ខ្សែវីដេអូឃ្លីបមួយដែលថតទិដ្ឋភាពមេដឹកនាំកូរ៉េខាងជើងគីម ជុងអ៊ុន សម្រក់ទឹកភ្នែកព្រោះតែអសមត្ថភាព ខណៈពេលប្រឈមនឹងឱនភាពសេដ្ឋកិច្ច បានរាលដាលនៅកូរ៉េខាងជើង ។ មនុស្សម្នាក់ដែលទើបរត់គេចពីកូរ៉េខាងជើង បានប្រាប់កាសែត Asahi Shimbun របស់ជប៉ុនថា ខ្សែវីដេអូមួយដែលថតទិដ្ឋភាពមេដឹកនាំកូរ៉េខាងជើងគីមជុងអ៊ុន សម្រស់ទឹកភ្នែកព្រោះតែអសមត្ថភាពចំពោះស្ថានភាពសេដ្ឋកិច្ចប្រទេសជាតិដ៏អាក្រក់ត្រូវបានបញ្ចាំងឲ្យបណ្តាមន្ត្រីកំពូលរបស់បក្សពលករកូរ៉េទស្សនា ។
មេដឹកនាំកូរ៉េខាងជើងគីម ជុងអ៊ុន តាមការវិភាគខ្សែវីដេអូនេះ ត្រូវបានបញ្ចាំងឲ្យសមាជិកកំពូលកូរ៉េខាងជើងទស្សនានៅខែមេសា ហើយនេះអាចជាសារផ្លូវការដែលលោកគីម ចង់ផ្ញើឲ្យគណបក្សកាន់អំណាច អ្នករត់គេចខ្លួនរូបនេះបានប្រាប់អ្នកកាសែត Asahi Shimbun ឲ្យដឹងបន្ថែមថា លោកបានដឹងពីខ្សែវីដេនេះតាមរយៈមនុស្សម្នាក់កំពុងរស់នៅកូរ៉េខាងជើងនៅឡើយ ។
កាលពីខែមេសាកន្លងមកកូរ៉េខាងជើងធ្លាប់បានសំណូមពរអាមេរិក រៀបចំជំនួបមួយជាមួយលោកគីម ហើយក៏បានអនុវត្តនូវសកម្មភាពការទូតដទៃទៀតមួយចំនួនបង្ហាញឡើងពីបំណងប្រាថ្នារំសាយនុយក្លេអ៊ែរជាមួយចិន កូរ៉េខាងត្បូង និងអាមេរិក ។ តាមអ្នករត់គេចខ្លួនរូបនេះប៉ាន់ស្មាននោះ ខ្សែវីដេអូខាងលើត្រូវបានប្រើប្រាស់សម្រាប់ការត្រៀមបម្រុងការប្រែប្រួលមួយរបស់ប្រទេសជាតិ ក្រោយការប្រព្រឹត្តទៅនៃជំនួបកំពូលរបស់លោកត្រាំ ។ តាមប្រភពព័ត៌មានខាងលើនោះខ្សែវីដេអូនេះ សំដៅបញ្ចុះបញ្ចូលបណ្តាមន្ត្រីកូរ៉េខាងជើងឲ្យទទួលយកសន្និសីទកំពូលអាមេរិក-កូរ៉េខាងជើង ដែលតាមគំរោងនឹងប្រព្រឹត្តទៅនៅថ្ងៃទី ១២ ខែមិថុនា នាសិង្ហបុរី ។ ខ្សែវីដេអូនេះអាចសំដៅបញ្ចូននូវសារប្រាប់ថា “មន្ត្រីដឹកនាំកំពូលរបស់បក្សពុំមានជម្រើសណាផ្សេងក្រៅពីការគោរពតាមគំនិតលោក គីមជុងអ៊ុន” ប៉ុណ្ណោះ ដោយកូរ៉េខាងជើងត្រូវផ្អាកសកម្មភាពយោធាដើម្បីប្តូរយកជំនួយសេដ្ឋកិច្ច ។
នៅកូរ៉េខាងជើង លោកគីម ត្រូវបានគេគោរពដូចជាអាទិទេព ហេតុនេះឃ្លីបបង្ហាញឲ្យមេដឹកនាំនេះស្រក់ទឹកភ្នែកព្រោះអសមត្ថភាពចំពោះស្ថានការណ៍សេដ្ឋកិច្ចរបស់ប្រទេសជាតិ អាចបង្កឡើងនូវការរន្ធត់ចិត្តមួយយ៉ាងខ្លាំង ៕ សូយន