នៅថ្ងៃទី ៣១ ខែឧសភា អាមេរិកប្រកាសថា គេត្រៀមខ្រួនជាស្រេចប្រសិនបើកិច្ចចរចាត្រៀមបម្រុងសម្រាប់ជំនួបកំពូលថ្ងៃទី ១២ ខែមិថុនា មិនទាន់មានលទ្ធផលនោះ គឺអាចពន្យារទៅថ្ងៃទី ១២ ខែកក្កដា វិញ ។
លេខាធិការសារព័ត៌មានសេតវិមាន Sarah Sanders
តាមលេខាធិការសារព័ត៌មានសេតវិមាន Sarah Sanders ឲ្យដឹងថា ប្រធានាធិបតីអាមេរិកដូលណាល់ ត្រាំ កំពុងបញ្ជាឲ្យមានកិច្ចប្រឹងប្រែងដើម្បីសន្និសីទកំពូលអាចប្រព្រឹត្តទៅបាននៅថ្ងៃទី ១២ ខែមិថុនា ។
អ្នកស្រី Sanders នៅលើកបន្ថែមថា”ប្រសិនបើបញ្ហារំសាយនុយក្លេអ៊ែរគឺជាផ្នែកមួយនៃកិច្ចពិភាក្សាយើងខ្ញុំនឹងបន្តប្រមូលផ្តុំអ្វីៗដែលប្រព្រឹត្តទៅនៅថ្ងៃទី ១២ ខែមិថុនា យើងខ្ញុំសង្ឃឹមថា សន្និសីទកំពូលនេះនឹងប្រព្រឹត្តទៅបាននៅថ្ងៃនោះ ។ ប្រសិនបើពុំទាន់ពេលវេលាទេនោះ យើងខ្ញុំក៏ត្រៀមរៀបចំវានៅថ្ងៃទី ១២ ខែកក្កដា ។
សេចក្តីថ្លែងការណ៍នេះត្រូវបានលើកឡើងមុនពេលដែលអនុប្រធានបក្សពលករកូរ៉េ Kim Yong-Chol មានជំនួបពិភាក្សាជាមួយប្រមុខការទូតអាមេរិក Mike Pompeo នៅញូយ៉ក ។ កិច្ចប្រជុំនេះនឹងកំណត់ជាលើកចុងក្រោយនូវរបៀបវារៈនៃការប្រព្រឹត្តទៅរបស់សន្និសីទកំពូលអាមេរិក-កូរ៉េខាងជើង។
នៅថ្ងៃដដែលនេះ ប្រធានាធិបតីត្រាំបានសរសេរលើ Twitter ថា “បណ្តាជំនួបជាមួយកូរ៉េខាងជើងកំពុងប្រព្រឹត្តទៅយ៉ាងល្អប្រសើរ” ។ លោកត្រាំក៏បានឲ្យដឹងថា ខ្លួនកំពុងរង់ចាំទទួលសំបុត្ររបស់មេដឹកនាំកូរ៉េខាងជើងគីម ជុងអ៊ុន ហើយសង្ឃឹមថា ជំនួបកំពូលជាប្រវត្តិសាស្ត្រនឹងប្រព្រឹត្តទៅតាមផែនការដែលបានកំណត់ ។
ម្ចាស់សេតវិមនារូបនេះឲ្យដឹងបន្ថែមទៀតថា បន្ទាប់ពីអង្គប្រជុំនៅបុរីញូយ៉ក ប្រតិភូកូរ៉េខាងជើង នឹងមកកាន់ក្រុងវ៉ាស៊ីនតោន នៅថ្ងៃទី ០១ ខែមិថុនា ដើម្បីប្រគល់សំបុត្ររបស់មេដឹកនាំកូរ៉េខាងជើងជូនដល់លោក ។
ព័ត៌មានខាងលើត្រូវបានលើកឡើងខណៈពេលដែលប្រមុខការទូតអាមេរិក Mike Pompeo នឹងអនុប្រធានបក្សពលករកូរ៉េ Kim Yong Chol កំពុងចាប់ផ្តើមចរចានៅញូយ៉ក សំដៅពិភាក្សាខ្លឹមសារលំអិតនៃជំនួបកំពូលដែលតាមគម្រោងនឹងប្រព្រឹត្តទៅនៅថ្ងៃទី ១២ ខែមិថុនាខាងមុខ ។
នៅលើគណនី Twitter ឯកជនរបស់ប្រមុខការទូតអាមេរិក គេឃើញបង្ហោះផ្សាយរូបភាពរបស់អ្នកការទូតជាន់ខ្ពស់អាមេរិក និងកូរ៉េខាងជើង ៤នាក់ កំពុងអង្គុយជល់កែវគ្នាយ៉ាងរីករាយ។ លោកអះអាងថា ជំនួបជាមួយកូរ៉េខាងជើងប្រព្រឹត្តទៅយ៉ាងល្អប្រសើរ។
ពិធីជប់លៀងគួបផ្សំជាមួយនឹងធ្វើការផងនោះ រវាងប្រមុខការទូត Pompeo និងលោក Kim Yong-Chol នាសណ្ឋាគារ Manhattan ។
សន្និសីទកំពូលអាមេរិក-កូរ៉េខាងជើងអាចប្រព្រឹត្តទៅនៅថ្ងៃទី ១២ ខែកក្កដា ។
មន្ត្រីជាន់ខ្ពស់អាមេរិក និងកូរ៉េខាងជើងជល់កែវគ្នាយ៉ាងសប្បាយ ៕ សូយន