ខេត្តស្វាយរៀង ៖ បុរសម្នាក់ជាតៃកុងរថយន្តបានរងរបួសស្រាលដោយសារបើកបរងងុយដេក ហើយវ៉ាក់អើនិងរថយន្តមួយគ្រឿងទៀតក៏ជ្រុលទៅបុករថយន្តឈប់ស្ងៀមដែលបែកកង់នៅជិតចឹញ្ជើមថ្នល់បត់ក្បាលរថយន្តមើលទៅគួរអោយរន្ធត់។ ករណីនេះបានកើតឡើងកាលពីវេលាម៉ោង៥និង១០នាទី ។
ថ្ងៃទី ០១ ខែ មិថុនា ឆ្នាំ២០១៨ ចន្លោះគីឡូម៉ែត្រ 134/135 ស្ថិតនៅភូមិសាមគ្គី សង្កាត់ស្វាយតឿ ក្រុងស្វាយរៀង ខេត្តស្វាយរៀង។បើយោងតាមសមត្ថកិច្ចបានឲ្យដឹងថា ៖ ព្រោះថ្នាក់ចរាចរណ៍ បង្កឡើងដោយកុងតឺន័រ ក្រុងហ៊ន OLAIR ពណ៌បៃតង ស្លាកលេខ ភព 3A 4491 បើកបរដោយឈ្មោះ ហ៊ឹម ចាន់ម្លោ ភេទប្រុស អាយុ 27ឆ្នាំ មុខរបរ បើកបរ ជនជាតិខ្មែរ សញ្ញាតិ ខ្មែរ រស់នៅភូមិ បេង ឃុំព្នាយ ស្រុកសំរោងទង ខេត្ត កំពង់ស្ពឺ រងរបួសស្រាលធ្វើដំណើរ ទិសដៅពីលិចទៅកើតមកដល់កន្លែងកើតហេតុខាងលើបានជ្រុលទៅបុករថយន្តកុងតឺន័រ ពណ៌ ស ស្លាកលេខ 51C 490.89 ដែលឈប់នៅជញ្ចើមផ្លូវខាងត្បូង(បែកកង់) បើកបរដោយឈ្មោះ វៀង សុនដូរ ភេទប្រុស អាយុ៣៦ឆ្នាំ ជនជាតិវៀតណាម សញ្ញាតិ វៀតណាម មុខរបរបើកបរ រស់នៅប្រទេសវៀតណាម គ្មានរងរបួសស្នាម។
ក្រោយពីកើតហេតុសមត្ថកិច្ចចុះមកជួយសម្រួលចរាចរណ៍និងយករថយន្តទាំង២គ្រឿង យកមករក្សារទុកនៅការិយាល័យចរាចរណ៍ផ្លូវគោកនៃស្នងការដ្ឋាននគរបាលខេត្តស្វាយរៀង។ មូលហេតុ ៖ អ្នកបើកបររថយន្តកុងតឺន័រក្រុមហ៊ុនអូឡេរ ងងុយដេក ៕ វ៉ៃកូ