នៅថ្ងៃទី ០១ ខែមិថុនា ប្រធានាធិបតីអាមេរិកដូណាល់ត្រាំ បញ្ជាក់ថា ជំនួបកំពូលជាមួយមេដឹកនាំគីម ជុងអ៊ុន ដែលតាមគម្រោងនឹងប្រព្រឹត្តទៅនៅថ្ងៃទី ១២ ខែមិថុនា នៅសិង្ហបុរី វានឹងប្រព្រឹត្តទៅតាមផែនការមុននេះ ។
លោក Kim Yong-chol និងប្រធានាធិបតីត្រាំ នៅសេតវិមាន
ថ្លែងទៅកាន់អ្នកសារព័ត៌មានដែលជំនួបធ្លាប់មានចំពោះអនុប្រធានគណៈកម្មាធិការមជ្ឈិមបក្សពលករកូរ៉េ Kim Yong-chol នៅសេតវិមាន ប្រធានាធិបតីត្រាំ ឲ្យដឹងថាលោកបានមានជំនួបដ៏ល្អមួយចំពោះបេសកជនពិសេសដែលមកពីក្រុងព្យុងយ៉ាង “ហើយនេះមកពីការចាប់ផ្តើមដ៏អស្ចារ្យមួយ” ក្នុងទំនាក់ទំនងជាមួយកូរ៉េខាងជើង ។
លោកក៏បានវាយតម្លៃសារលិខិតដែលលោក គីម ជុងអ៊ុន ផ្ញើឲ្យ “ពិតជាល្អណាស់ហើយគួរឲ្យជក់ចិត្ត” ដែលអះអាងថា អាមេរិកនិងកូរ៉េខាងជើងនឹងចាប់ផ្តើមចំណងទាក់ទងមួយនៅថ្ងៃទី ១២ ខែមិថុនាខាងមុខ ។ លោកត្រាំ ក៏បានសង្កត់ធ្ងន់ថា កូរ៉េខាងជើងក៏ចង់រំសាយនុយក្លេអ៊ែរ ហើយចង់ដោះស្រាយបញ្ហានេះវាគឺជា “ដំណើរការមួយ” ហើយលោកជឿថា ដំណើរការនោះចុងក្រោយនឹងទទួលបានជោគជ័យ ។
ក្រៅពីនោះប្រធានាធិបតីអាមេរិកក៏បានឲ្យដឹងដែរថា លោកបានពិភាក្សាជាមួយលោក Kim Yong-chol អំពីការបញ្ចប់សង្គ្រាមកូរ៉េ ។ លោកត្រាំព្យាករណ៍ថា សញ្ញាខណ្ឌបញ្ចប់សម្រាប់សង្គ្រាមនេះអាចកើតមានក្រោយជំនួបកំពូលអាមេរិកកូរ៉េខាងជើងនៅថ្ងៃខាងមុខ ហើយសម្តែងជំនឿជឿជាក់ថា កូរ៉េខាងជើងអាចមានការប្រែប្រួលក្នុងរជ្ជកាលដឹកនាំរបស់លោកគីម ជុងអ៊ុន ។
ទន្ទឹមនោះលោកក៏បាននិយាយថា លោកលែងចង់ប្រើពាក្យ “សម្ពាធជាអតិប្បរមា” ទៀតហើយ ព្រោះចំណងទាក់ទងអាមេរិក-កូរ៉េខាងជើងកំពុងប្រសើរឡើង។
លោកត្រាំកត់សម្គាល់ថា វិធានការដាក់ទណ្ឌកម្មថ្មី ដែលមុននោះត្រៀមអនុវត្តក៏នឹងត្រូវផ្អាក ហើយលោកក៏សន្និដ្ឋានបន្ថែមថាភាគីទាំងសងខាងចាំបាច់ត្រូវដំណើរការជំនួបកំពូលមួយចំនួនដែលអាចដោះស្រាយរាល់បញ្ហាដែលនៅសេសសល់ទាំងអស់ ៕ សូយន