ត្បូងឃ្មុំ ៖ លោកហ៊ុន ម៉ាណែត អំពាវនាវដល់ប្រជាពលរដ្ឋទៅចូលរួមបោះឆ្នោតឲ្យបានគ្រប់គ្នាដើម្បីបន្តរក្សាសុខសន្តិភាព ស្ថេរភាព នយោបាយ និងការអភិវឌ្ឍន៍របស់សង្គមជាតិ។ ការអំពាវនាវខាងលើគឺបានធ្វើឡើងក្នុងឳកាស លោកអញ្ជើញជាអធិបតីបិទវគ្គបណ្តុះបណ្តាល កម្មវិធីអភិវឌ្ឍន៍ភាពជា អ្នកដឹកនាំនយោបាយ វគ្គ២ ដល់យុវជនខេត្តត្បូងឃ្មុំ នាព្រឹកថ្ងៃទី ១ ខែមិថុនា ឆ្នាំ២០១៨ នៅសាលាខេត្តត្បូងឃ្មុំ ។
លោកហ៊ុន ម៉ាណែត មានប្រសាសន៍ថា ប្រទេសជាតិរបស់ យើងគឺពឹងផ្អែកលើយុវជន ពីព្រោះយុវជននិងក្លាយជាអ្នកដឹកនាំ បន្តវេនតាមស្ថាប័នផ្សេងៗទាំងរដ្ឋ និងឯកជន ដូចនេះត្រូវ អភិវឌ្ឍន៍ចំនេះដឹងយុវជនជំនាន់ក្រោយឲ្យកាន់តែខ្លាំង នោះជាតិ យើងកាន់តែខ្លាំង ។ ក្នុងនាមយុវជនត្រូវមានចំនេះ ដឹង ការគិត វិភាគ និងមានការទទួលខុសត្រូវខ្ពស់ពោលគឺមិនត្រូវ ធ្វើសកម្ម ភាពអ្វីដែលប៉ះពាល់ដល់គ្រួសារ និងសង្គមជាតិទាំងមូល នោះទេ ជារួមត្រូវធ្វើអ្វីដែលមានប្រយោជចំពោះជាតិ រក្សាសុខ សន្តិភាព ឲ្យបានដាច់ខាត់ ។
លោកបន្តថា សម្រាប់ប្រជាជន និងថ្នាក់ដឹកនាំគ្រប់គំរិត ត្រូវតែមានការទទួលខុសត្រូវខ្ពស់ បើមិនដូច្នេះនិងបាត់បង់ការទុក ចិត្ត ដូចនេះយុវជនត្រូវតែមានសមត្ថិភាព គុណធម៌ សិលធម៌ និងការទទួលខុសត្រូវ ។ នៅក្នុងឳកាសនោះដែរលោកក៏បាន អំពាវនាវដល់ប្រជាពលរដ្ឋដែលមានឈ្មោះត្រូវបោះឆ្នោតទៅចូលរួមបោះឆ្នោតឲ្យបានឡគ្រប់ៗគ្នាដោយកំចាញ់ការញុះញង់របស់ ក្រុមមនុស្សមួយចំនួនដែលបំផុសបងប្អូនមិនឲ្យទៅបោះឆ្នោត។
បើតាមរបាយការណ៍របស់លោក ម៉ៅ ដុង ប្រធានសហភាព សហព័ន្ធយុវជនកម្ពុជាខេត្តត្បូងឃ្មុំ បានឲ្យដឹងថា វគ្គបណ្តុះ បណ្តាលដែលត្រូវបិទបញ្ចប់នៅថ្ងៃនេះធ្វើឡើងក្នុងគោលបំណង ផ្គល់ឳកាសឲ្យយុវជនបន្តវេនយល់ដឹងពីទិដ្ឋភាពនយោបាយ មាន សមត្ថភាពវិភាគ វាយតម្លៃព្រឹត្តិការណ៍នយោបាយ ចេះបកស្រាយ ពន្យល់សាធារណៈមតិ និងយល់ដឹងច្បាស់លាសពីគណបក្ស ដើម្បីកសាងកម្លាំងយុវជនគាំទ្រគណបក្សណពិតប្រាកដ៕ ដោយ៖បញ្ញាស័ក្តិ
