តាម Mirror លោក Ian Watt អាយុ៧០ ឆ្នាំ ប្រមែប្រមូលបានទ្រព្យសម្បត្តិច្រើនគួរសម ដោយគ្រាន់តែសន្សំកាក់ប្រាក់ប៉ុណ្ណោះ ។
តាមកាសែតអង់គ្លេស លោក Watt បច្ចុប្បន្នមានទឹកប្រាក់ក្នុងដៃចំនួន ៤៧.៧០០ ផោន (ប្រមាណ៦៣៩០០ដុល្លារ) ហើយសុទ្ធសឹងជាកាក់ប្រាក់ ៥សេន របស់អង់គ្លេស។
លោក Watt គឺជាអ្នកបច្ចេកទេសចូលនិវត្តន៍ ហើយអ្វីៗចាប់ផ្តើមពីឆ្នាំ ២០០៤ ពេលដែលចៅស្រីរបស់គាត់និយាយថា ចង់បានប្រាក់កាក់ ៥សេនមួយ ។ ពីនោះមកគាត់ប្រមូលបានកាក់ប្រាក់នេះជិតមួយលានហើយ លុយទាំងអស់នេះត្រូវបានគាត់យកទៅផ្តល់ឲ្យផ្ទះនៃក្តីស្រឡាញ់ St Cuthbert’s នៅទីក្រុង Durham ប្រទេសអង់គ្លេស ដែលជាកន្លែងរបស់អង្គការសប្បុរសធម៌មួយដែលគាត់ជាអ្នកស្ម័គ្រចិត្តម្នាក់ ។ លោកប្រាប់ Mirror ថា ខ្ញុំអាចប្រមូលបាននូវលុយកាក់ ប្រាក់សេនជាច្រើន ពេលដែលអ្នកស្ម័គ្រចិត្តទាំងឡាយយកវាមកបរិច្ចាគឲ្យដល់ផ្ទះនៃក្តីស្រឡាញ់ ។ ខ្ញុំតែងដើរហើយសង្កេតមើលប្រាក់កាក់ ៥សេន តែជ្រុះរាយប៉ាយតាមថ្នល់សួនឧទ្យាន ខ្ញុំក៏រើសវាទុក ។ អ្នកដទៃទៀតឃើញបែបនេះ ក៏ជួយរើសកាក់ទាំងនោះមកឲ្យខ្ញុំ ។ មកទល់ពេលនេះ ខ្ញុំរើសបានកាក់ចំនួន 954.000កាក់ ខ្វះតែ ៤៦កាក់ទៀតគ្រប់ ១លានហើយ ៕ លីសា
