តាម Sputnik លោក Rutte បានធ្វើឲ្យធ្លាក់កែវកាហ្វេដោយអចេតនាមកលើឥដ្ឋ ភ្លាមៗនោះនៅពេលអ្នកផងជុំវិញគាត់ ហាក់ស្រឡាំងកាំងគាត់ ព្រោះគាត់ស្ទុះសំដៅទៅកាន់អ្នកបោសសម្អាតម្នាក់នៅក្បែរនោះ រួចខ្ចីប្រដាប់ជូតមកជូតសម្អាតដោយខ្លួនឯង។
នាយករដ្ឋមន្ត្រីហូឡង់ Mark Rutte
បន្ទាប់ពីធ្វើជ្រុះកែវកាហ្វេ នាយករដ្ឋមន្ត្រីហូឡង់ ធ្វើការសម្អាតដោយខ្លួនឯង ។
សកម្មភាពខាងលើរបស់នាយករដ្ឋមន្ត្រីរូបនេះពិតជាសក្តិសមទទួលបាននូវការស្ងើចសរសើរដូចបង្ហាញក្នុងឃ្លីបខាងលើ ពីស្មារតីទទួលខុសត្រូវរបស់ខ្លួន។
នេះពុំមែនជាលើកដំបូងទេ ដែលនាយករដ្ឋមន្ត្រីរូបនេះ បានបង្កព្យុះភ្លៀងលើបណ្តាញសង្គម ។ កាលពីខែតុលា ឆ្នាំ ២០១៧ លោកបានក្លាយជានិមិត្តរូបរបស់ពលរដ្ឋហូឡង់ ខណៈពេលជ្រើសរើសការជិះកង់ចូលទៅរាជវាំង ដើម្បីជួបមហាក្សត្រហូឡង់ Beatrix Willem-Alexander ។
កង់គឺជាជម្រើសក្នុងការធ្វើដំណើរជាទូទៅរបស់នាយករដ្ឋមន្ត្រហូឡង់ ។
លោក Mark Rutte ជូនកាដូកង់ដល់នាយករដ្ឋមន្ត្រីឥណ្ឌា Narendra Modi
កាយវិការសាមញ្ញរបស់លោក Rutte ពុំត្រឹមតែធ្វើឲ្យពលរដ្ឋហូឡង់គោរពប៉ុណ្ណោះទេ ថែមទាំងជានិមិត្តរូបគួរឲ្យមោទនៈអំពីមេដឹកនាំប្រទេសម្នាក់ ដែលឱនលំទោន ៕ ចន្ទ្រា