បាត់ដំបង ៖ រថភ្លើង បើកបុករថយន្តស៊ីម៉ាក ដែលកំពុងបើកឆ្លងកាត់ផ្លូវរថភ្លើង នៅព្រឹកថ្ងៃទី៦ ខែមិថុនា ឆ្នាំ២០១៨ នៅផ្លូវចូលមណ្ឌលស៊ីម៉ាក ក្នុងភូមិអណ្តូងចេញ សង្កាត់អូរចារ ក្រុងបាត់ដំបង ។
សមត្ថកិច្ចបានឲ្យដឹងថា ក្រោយពីកើតហេតុ រថភ្លើងពុំបានឈប់ទេ បើកឆ្ពោះទៅបន្ទាយមានជ័យ។ រថយន្តក្រឡាប់ផ្ងារកង់ឡើងលើមនុស្សរងរបួសស្រាលម្នាក់។
ក្រោយកើតហេតុរថយន្តអង្គភាពស៊ីម៉ាក់រក្សារទុកនៅអង្គភាពចរាចរណ៍ផ្លូវគោក បានពិនិត្យកន្លែងកើតហេតុនិងអង្កេត ចាត់តាមនីតិវិធី ។
ក្នុងករណីនេះ លោកហេង រតនា អគ្គនាយកស៊ីម៉ាក់ បានសរសេរក្នុងផេកហ្វេសប៊ុកផ្លូវការរបស់លោកថា វេលាម៉ោងប្រមាណ៦ល្ងាចថ្ងៃទី៦ខែមិថុនាឆ្នាំ២០១៨នេះ រថភ្លើងបានបុករថយន្តស៊ីម៉ាក់ប្រភេទ Nissan Patrol បើកបរដោយមន្ត្រីស៊ីម៉ាក់នៅមុខទីបញ្ជាការស៊ីម៉ាក់បាត់ដំបង។ ដែលធ្វើឱ្យមន្ត្រីនោះរងរបួសស្រាល និងខូចខាតរថយន្តស្ទើរទាំងស្រុង។ សូមបញ្ជាក់ថា នេះជាពិសោធន៍ត្រូវយកចិត្តទុកដាក់ទាំងអស់គ្នា។ រថភ្លើងគ្មានស្លាកសញ្ញានៅកន្លែងឆ្លងកាត់ គ្មានកុងត្រួលសុវត្ថិភាពនៅពេលរថភ្លើងឆ្លងកាត់ រថភ្លើងគ្មានស៊ីផ្លេ និងសញ្ញាព្រមានជាមុន គ្មានពេលម៉ោងធ្វើដំណើរច្បាស់លាស់ទេ ម្តងម៉ោងនេះ ម្តងនោះ ជាដើម។ ល។ … អ្នកបើកបររថយន្តក៏គប្បីយកចិត្តទុកដាក់ ព្រោះរថភ្លើងចាប់ផ្តើមដំណើរឡើងវិញជាថ្មីហើយ ត្រូវខិតខំកែលំអផង។ កំហឹងរថភ្លើងជាមួយរថយន្តស៊ីម៉ាក់?៕ ដោយ ៖ បញ្ញាស័ក្តិ