នាង Stacey Herald រស់នៅ Kentucky អាមេរិក ឆ្នាំនេះអាយុ ៤០ឆ្នាំ តែនាងមានកម្ពស់ ៧១សង់ទីម៉ែត្រ ប៉ុណ្ណោះ ហើយថែមទាំងមានជំងឺឆ្អឹងកងទៅទៀត ។
ថ្វីត្បិតព្រហ្មលិខិតកំណត់មកយ៉ាងនេះក្តី តែនាងនៅបានទទួលបានក្តីស្នេហ៍ពីបុរសស្រស់សង្ហារម្នាក់មានកម្ពស់ ១,៥៧ម៉ែត្រ ។ ពួកគេពិតជាមានសុភមង្គល ហើយមានកូនដល់ទៅ ៣នាក់ ។
ពេលនាងមានគភ៌កូនដំបូង វេជ្ជបណ្ឌិតបញ្ជាក់ប្រាប់នាងថា ការពរពោះមានកូនដំបូងពុំល្អសម្រាប់ឆ្អឹងរបស់នាងទេ ប៉ុន្តែស្ត្រីរូបនេះបានឆ្លើយតបយ៉ាងអង់អាចថា ៖ ពួកខ្ញុំគោរពយោបល់របស់វេជ្ជបណ្ឌិត ប៉ុន្តែយើងខ្ញុំចង់ធ្វើនូវអ្វីដែលយើងខ្ញុំគិតថា ល្អបំផុត ។
នាង Stacey បីទារក នៅឆ្នាំ ២០១០ ។
Stacey មានកម្ពស់ប្រហែលក្មេងអាយុ ១ឆ្នាំប៉ុណ្ណោះ ។
ប្តីប្រពន្ធពីរនាក់នេះ តែងគិតដូចគ្នាថា ពួកគេពិតជាមានសំណាងណាស់ដែលមានកូនទី ២ រួចកូនទី ៣ ហើយសុខភាពពួកគេមាំមួនល្អ លើកលែងតែកូនទី ៣ មានសញ្ញាតំណពូជដូចម្តាយ ។
សម្បុកដ៏កក់ក្តៅរបស់នាង Stacey ដោយសារភរិយាមានលក្ខណៈបែបនេះពីធម្មជាតិ រាល់កិច្ចការសព្វសារពើបានធ្លាក់មកលើបុរសជាស្វាមីទាំងអស់ លោកស្ទើរតែពុំបានដេកគ្រប់គ្រាន់នៅពេលយប់ ។
យ៉ាងនេះក្តី ក៏លោកតែងរីករាយជាមួយប្រពន្ធហើយនឹងកូន ។
ស្ត្រីជាប្រពន្ធបានចែករំលែកថា ៖ “ខ្ញុំពិតជាមានសុភមង្គលណាស់! ខ្ញុំស្រឡាញ់ប្តីខ្ញុំ និងកូនៗរបស់ខ្ញុំ រកអ្វីប្រៀបផ្ទឹមពុំបាន!” ៕ លីសា