ឧត្តរមានជ័យ ៖ កម្លាំងជំនាញការិយាល័យប្រឆាំងគ្រឿងញៀនសហការជាមួយកម្លាំងការិយាល័យព្រហ្មទណ្ឌកម្រិតស្រាល បានចុះបង្ក្រាបករណីចែកចាយនិងជួញដូគ្រឿងញៀន មួយករណីនៅចំណុចភូមិ១០៥ ឃុំ ផ្អាវ ស្រុកត្រពាំងប្រាសាទ ខេត្តឧត្តរមានជ័យឃាត់ខ្លួនស្ត្រី២នាក់នៅថ្ងៃទី៧ ខែមិថុនា ឆ្នាំ២០១៨ វេលាម៉ោង១២និង៤០នាទី។
មន្ត្រីនគរបាលមូលដ្ឋាបានឲ្យដឹងថាជនសង្ស័យទី១.ឈ្មោះ វែន សារា ភេទស្រី អាយុ ៤៥ឆ្នាំ រស់នៅភូមិ១០៥ ឃុំ ផ្អាវ ស្រុកត្រពាំងប្រាសាទ ខេត្តឧត្តរមានជ័យ ទី២.ឈ្មោះ ជា ខុន ភេទស្រី អាយុ ៤២ឆ្នាំ រស់នៅភូមិជាមួយគ្នា ។ ដកហូតវត្ថុតាងរួមមាន៖ ថ្នាំញៀនប្រភេទ មេ តំហ្វេតាមីន(Ice)ចំនួន ៣០កព្ចាប់ធំ ២ កព្ចាប់ តូច ២៨ កព្ចាប់ ស្មើរនឹង៧,១៦ ក្រាម ទូរស័ព្ទដៃចំនួន ៨ គ្រឿង, អត្តសញ្ញាណបណ្ណសញ្ជាតិខ្មែចំនួន ១ សន្លឹក , ក្រវឹលលោហៈធាតុពណ៌លឿង១គូរ,ជញ្ជៀន ៣ វង់ , កងដៃ ១វង់ , ខ្សែក ២ ខ្សែ លោហៈធាតុពណ៏លឿង ១ ខ្សែ លោហៈធាតុពណ៏ស ១ ខ្សែ , ដែកកេះ ៣ , ដបសម្រាប់ជក់ចំនួន ២ នឹងសម្ភារសម្រាប់វេចខ្ចប់មួយចំនួន។
បច្ចុប្បន្នជនសង្ស័យកម្លាំងជំនាញកំពុងសាកសួរយកចម្លើយនិងកសាងសំណុំរឿងបញ្ជូនទៅសាលាដំបូងខេត្តដើម្បីចាត់ការតាមនីតិវិធី ៕ ដោយ ៖ បញ្ញាស័ក្តិ
