ភ្នំពេញ ៖ គណៈកម្មាធិការជាតិរៀបចំការបោះឆ្នោត (គ.ជ.ប) បានចេញសេចក្តីប្រកាសព័ត៌មាន របៀបគូសសន្លឹកឆ្នោតដែលត្រឹមត្រូវសម្រាប់ការបោះឆ្នោត ជ្រើសតាំងតំណាងរាស្ត្រនីតិកាលទី៦ ឆ្នាំ២០១៨។ គ.ជ.ប បានបោះពុម្ពសៀវភៅសម្រាប់អ្នកបោះឆ្នោត ដែលនៅក្នុងសៀវភៅនេះ ចំណុចសំខាន់ គឺផ្តោតទៅលើការគូសសន្លឹកឆ្នោត ដែលត្រឹមត្រូវ ដែលអ្នកបោះឆ្នោតត្រូវគូសសញ្ញាគាំទ្រមួយនៅក្នុងប្រអប់បួនជ្រុងទ្រវែង នៃគណបក្សនយោបាយតែមួយគត់ ដែលអ្នកពេញចិត្ត ដោយប្រើប៊ិកដែលមាននៅក្នុងបន្ទប់សម្ងាត់ស្រាប់ ឬក៏អាចប្រើប៊ិកផ្ទាល់ខ្លួន លើកលែងតែខ្មៅដៃ។
ក្នុងការបោះពុម្ពផ្សាយមានកំហុសបច្ចេកទេសត្រង់ទំព័រទី១៥ នៃសៀវភៅនេះហេតុ អគ្គលេខាធិការដ្ឋាន គ.ជ.ប សូមធ្វើការកែតម្រូវនៅក្នុងទំព័រដដែលនេះ។
គ.ជ.ប បានបញ្ជាក់ថា ដើម្បីបោះឆ្នោតបានប្រជាពលដ្ឋខ្មែរត្រូវមានឈ្មោះក្នុងបញ្ជីបោះឆ្នោត ឆ្នាំ២០១៧ និងមានអត្តសញ្ញាណប័ណ្ណសញ្ជាតិខ្មែរ ឬឯកសារបញ្ជាក់អត្តសញ្ញាណបម្រើឲ្យការបោះឆ្នោត ឯកសារបញ្ជាក់អត្តសញ្ញាណបម្រើឲ្យការបោះឆ្នោតឆ្នាំ២០១៧ ដែលបានបញ្ជាក់ពីគយ.សប ៕ ដោយ៖បញ្ញាស័ក្តិ
