បន្ទាយមានជ័យ ៖ ដីស្រែចំការ ច្បាដំណាំពលរដ្ឋនៅភូមិកំព្រីងសង្កាត់ភ្នៀត ក្រុងសិរីសោភ័ណទទួលកាចុះបញ្ជីជាលក្ខណៈប្រព័ន្ធបន្តទៀតហើយក្នុងពិធីប្រកាសកំណត់តំបន់វិនិច្ឆ័យចុះបញ្ជីដីធ្លីមានលក្ខណៈជាប្រព័ន្ធ នាពីថ្ងៃទី៨ វិច្ឆិកា២០១៧កន្លងមក។
លោក រ៉ូ បូរ៉ា អនុប្រធានមន្ទីររៀបចំដែនដីនគរូបនីយកម្មសំណង់និងសូរីយោដីខេត្តបន្ទាយមានជ័យនិយាយថាៈនៅពេលនេះ គណៈកម្មការចុះបញ្ជីដីធ្លីមានលក្ខណ:ជាប្រព័ន្ធឬគណ:កម្មការសូរីយោដីខេត្តបានធ្វើពិធីប្រកាសកំណត់តំបន់វិនិច្ឆ័យចុះបញ្ជីដីធ្លីមានលក្ខណៈជាប្រព័ន្ធក្បាលដីស្ថិតនៅភូមិកំព្រីងសង្កាត់ភ្នៀត ក្រុងសិរីសោភ័ណ បន្តិចទៀត។
លោក អនុប្រធានមន្ទីរបានបញ្ជាក់ថា ការចុះបញ្ជីដីធ្លីតាមនិតិវិធីនៃការចុះបញ្ជីដីធ្លីជាលក្ខណៈប្រព័ន្ធ មាន៥តំណាក់កាល ៖តំណាក់កាលទី១ត្រៀមរៀបចំកំណត់តំបន់វិនិច្ឆយ័ គណៈកម្មការេដ្ឋបាលនិងផ្ដល់ព័ត៌មាន ជូនប្រជាពលរដ្ឋ។ តំណាក់កាលទី២ ប្រតិបត្តិការបច្ចេកទេស គឺការចុះស្រង់ទិន្ន័យការកសាងប្លង់សូរីយោដីនិងបញ្ជីឈ្មោះម្ចាស់ដី។ តំណាក់កាលទី៣ បិទផ្សាជាសាធារណៈនូវឯកសារនៃការវិច្ឆ័យដើម្បីបង្ហាញជូនប្រជាពលរដ្ឋពីលទ្ធផល នែការកសាងប្លង់សូរីយោដីនិងបញ្ជីឈ្មោះម្ចាស់ដីដើម្បីផ្ទៀងផ្ទាត់ឈ្មោះ។
ដំណាក់កាលទី៤ សម្រេចលើឯកសារវិនិច្ឆ័យគឺការធ្វើរបាយការណ៍ពីលទ្ធផលនៃការបិទផ្សាយជាឯកសារនូវឯកសារវិនិច្ឆ័យរបស់គណៈកម្មការរដ្ឋបាល ជូនក្រសួងរៀបចំដែនដីនគរូបនីយកម្មនិងសំណង់ ដើម្បីពិនិត្យនិងសម្រេច។ និងដំណាក់កាលទី៥ ការចេញវិញាបនបត្រសម្គាល់ម្ចាស់អចលនវត្ថុជូនប្រជាពលរដ្ឋ។
លោក លី សារី អភិបាលរងខេត្តបន្ទាយមានជ័យ មានប្រសាសន៍ក្នុងពិធីនេះថា៖ កន្លងមកក្នុងខេត្តមានបញ្ហាដីធ្លីកើតឡើងយ៉ាងច្រើន ដែលបណ្ដាលអោយជាបន្ទុកដល់អាជ្ញាធរ តុលាការនិងជំនាញ និងរហូតដល់រាជរដ្ឋាភិបាលដោះស្រាយ។
លោក លី សារី អភិបាលរងខេត្ត ក៏បានបញ្ជាក់ថា ការធ្វើប័ណ្ណដីជាប្រព័ន្ធមានសារៈប្រយោជន៍ខ្លាំងណាស់។
ការរៀបចំប្លង់តាមលក្ខណៈប្រពន្ធ័នេះជាឱកាសសម្រាប់រៀបចំដី បានច្បាលាស់ដើម្បីចេញប័ណ្ណកម្មសិទ្ធិជូនម្ចាស់ដី និងមានសៀវភៅគោលបញ្ជីក្បាលដីច្បាស់លាស់ អាចយកទៅប្រើប្រាស់ដាក់បញ្ចាំធានាគារបង្កើតមុខរបរបង្កើនសេដ្ឋកិច្ចគ្រួសារបាន។
លោក លី សារី សំណូមពផងដែរដល់ពលរដ្ឋត្រៀមលិខិត្តពាក់ពន្ធ អត្តសញ្ញាណប័ណ្ណ សៀវភៅគ្រួសារ និងកំណត់អោយបានច្បាស់ត្រឹមត្រូវនូវ ព្រំប្រទល់ក្បាលដីរបស់ខ្លួន ជាមួយអ្នកជិតខាង ព្រំប្រទល់រដ្ឋបាល ដើម្បីពន្លឿនក្រុមការងារ៕ ដោយ ៖ បន្ទាយ
