មនុស្សដ៏សែនអភ័ព្វម្នាក់ ពេលដើរឆ្លងផ្លូវ ចៃដន្យបានក្លាយជាជនរងគ្រោះដល់ជីវិត បន្ទាប់ពីត្រូវយុវជនម្នាក់ ប៉ងធ្វើអត្តឃាត់ដោយលោតពីជាន់ទី ៩ នៃអគារខ្ពស់មួយ ។
ទីកន្លែងកើតហេតុ
តាម Shanghaiist ហេតុការណ៍នេះកើតឡើងនៅទីក្រុងស៊ីអាន ប្រទេសចិន ប៉ូលិសនិយាយថា យុវជនដែលលោតពីអគារខ្ពស់នោះមានវ័យប្រមាណ ២៦ឆ្នាំ ហើយមានជំងឺសរសៃប្រសាទ ។ ឪពុករបស់យុវជននេះបានប្រឹងប្រែងតោងចាប់ដៃរបស់កូនប្រុស មុនពេលបម្រុងលោតចេញតាមបង្អួច ប៉ុន្តែពុំអាចរារាំងបាន ហេតុការណ៍នេះ បានធ្វើឲ្យអ្នកស្លាប់បន្ថែមម្នាក់ទៀត ដែលពុំដឹងអ្វីបន្តិចសោះឡើយ ។
គួរកត់សម្គាល់ថា អ្នកទាំងពីរបានស្លាប់ភ្លាមៗនៅនឹងកន្លែង ៕ ចន្ទ្រា
