ឆ្កែគឺជាសត្វដែលមានភាពស្មោះត្រង់ និងជាមិត្តល្អរបស់មនុស្ស។ វាត្រូវបានគេជឿជាក់ថា អាចព្យាករណ៍ដឹងពីហេតុការណ៍មួយចំនួនដែលអាចនឹងកើតឡើង ដូចដែលមនុស្សធ្វើបានដែរ។
នៅក្នុងវិដេអូខាងក្រោមនេះ នឹងអាចធ្វើការបញ្ជាក់បានថា ឆ្កែពិតជាមានញ្ញាណដែលអាចព្យាករណ៍ដឹងពីគ្រោះថ្នាក់ដែលនឹងអាចកើតឡើងនៅខាងមុខ។
វាកើតឡើងជាមួយនឹងជនជាតិរុស្សីម្នាក់ ឈ្មោះ Saransk។ នៅពេលគាត់កំពុងបើកបរលើដងផ្លូវស្រាប់តែមានឆ្កែមួយក្បាលរត់មកពាំងពីមុខឡានរបស់គាត់ និងព្រុះជាខ្លាំងដែលឆ្កែនោះទំនងជាចង់ ប្រាប់អ្វីមួយ ឬព្យាយាមឃាត់កុំឲ្យគាត់ទៅមុខ ព្រោះអាចនឹងមានអ្វីកើតឡើង។
ទោះបីជាគាត់ព្យាយាមបើកឡានតិចៗទៅមុខ ដើម្បីឲ្យឆ្កែរត់ចេញ ក៏ឆ្កែនោះនៅតែព្យាយាមស្ទាក់គាត់។ នៅពេលឆ្កែរត់ចេញពីមុខឡាន គាត់បានបន្តបើកទៅមុខ ដោយមិនគិតថាគ្មានអ្វីកើតឡើងនោះទេ។
ប៉ុន្តែបន្ទាប់ពីបើកទៅមុខបាន ១០វិនាទី គាត់ក៏ជួបគ្រោះថ្នាក់ចរាចរណ៍ជាមួយអ្នកបើកម៉ូតូ ហើយអ្វីដែលគាត់គិតនៅពេលនោះគឺថា ការពិតឆ្កែមួយក្បាលនោះបានព្រមាន និងប្រាប់គាត់ឲ្យដឹងមុនថា នឹងមានអ្វីអាក្រក់កើតឡើងនៅខាងមុខ៕ សុភ័ក្ត្រ
