ស្ត្រីជាម្នាក់ជនជាតិនីហ្សេរីយ៉ាម្នាក់ បានផ្តល់កំណើតដល់កូនម្នាក់ដែលមានសម្បុរសស្អាត ភ្នែកខៀវដែលការបង្កើតកូនបានស្បែកសនេះ ក្នុង ១លានករណីមានតែមួយប៉ុន្តែ ប៉ុន្តែអ្វីដែលរឹតតែធ្វើឲ្យមានការភ្ញាក់ផ្អើលកាន់តែខ្លាំងនោះគឺថា គាត់មិនត្រឹមតែផ្តល់កំណើតដល់កូនស្បែកសម្នាក់នោះទេ គឺពីរនាក់ឯណោះ។ នេះបើតាមការចេញផ្សាយរបស់ Good Times។
ស្ត្រីជនជាតិនីហ្សេរីយ៉ានោះមានឈ្មោះថា Catherine Howarth ចំនែកប្តីរបស់គាត់ឈ្មោះ Richard Howarth ជាជនជាតិអង់គ្លេស។ គាត់បានផ្តល់កំណើតឲ្យកូនទី ១ឈ្មោះ Jonah ដែលមានស្បែកស និងភ្នែកខៀសស្អាត។
បើទោះបីជាប្តីរបស់គាត់ជាជនជាតិអង់គ្លេសក៏ដោយ ការផ្តល់កំណើតឲ្យកូន២នាក់ ដែលមានស្បែកសទាំងពីរ ត្រូវបានគេចាត់ទុកថាជាអបាតុភូតដែលកំរកើតមាន ពីព្រោះហ្សែនស្បែកខ្មៅលុបលើហ្សែនស្បែកស យ៉ាងខ្លាំង។
ស្ត្រីជាម្តាយបាននិយាយថា “គ្មាននរណាម្នាក់ធ្លាប់ឃើញថា ម្តាយស្បែកខ្មៅម្នាក់ផ្តល់កំណើតដល់កូនបានស្បែកសទាំងពីរនោះទេ។ នៅពេលខ្ញុំមាន Jonah (កូនទី ១) ដែលគាត់មានស្បែកស ខ្ញុំ រួមទាំងប្តីខ្ញុំគិតថា ឆ្មបយកកូនឲ្យពួកយើងខុសហើយ “។
ទោះយ៉ាងណា អភូតហេតុបានកើតឡើងម្តងទៀតនៅពេល Catherine បានផ្តល់កំណើតដល់កូនម្នាក់ទៀតដែលមានស្បែកសដូចបងប្រុសរបស់គេ។ ក្មេងស្រីតូចនោះឈ្មោះ Sophia ហើយនាងមានភ្នែកពណ៌ខៀវដូចបងប្រុសរបស់នាងដែរ។
Catherine បញ្ជាក់ថា នៅពេលកូនទី ១របស់គាត់កើតមក អ្នកជំនាញហ្សែនបានប្រាប់គាត់ថា ករណីរបស់គាត់គឺក្នុងមួយលាន មានតែមួយប៉ុណ្ណោះ៕ សុភ័ក្ត្រ