កំពត៖ អនុប្រធានមន្ទីរកសិកម្មក្រុងកំពត បានសម្រេចចងកសម្លាប់ខ្លួនឯង នៅលើផ្ទះក្នុងភូមិកំពង់ត្រាចទី១ ឃុំកំពង់ត្រាចខាងកើត ស្រុកកំពង់ត្រាច ខេត្តកំពត ត្រូវនឹងថ្ងៃទី៧ ខែមិថុនា ឆ្នាំ២០១៨ ដោយមិនដឹងពីមូលហេតុ ប៉ុន្តែករណីនេះសមត្ថកិច្ចចម្រុះដែលបានធ្វើកោសល្យវិច័យ បានអះអាងថា បុរសរូបនេះ ពិតជាចងសម្លាប់ខ្លួនពិតមែន។
សមត្ថកិច្ច បានឲ្យដឹងថា បុរសគិតខ្លីខាងលើនេះ ឈ្មោះ ឃឹម ចាន់ថុន ភេទប្រុស អាយុ៤៩ឆ្នាំ រស់នៅក្នុងភូមិកំពង់ត្រាចទី១ ឃុំកំពង់ត្រាចខាងកើត ស្រុកកំពង់ត្រាច មានតួនាទីជាអនុប្រធានមន្ទីរកសិកម្មក្រុងកំពត មានប្រពន្ធឈ្មោះ ឃឹម សុខភន អាយុ៥០ឆ្នាំ។
ក្រោយកើតហេតុ សមត្ថកិច្ចបានចុះទៅធ្វើកោសល្យវិច័យ បានបញ្ជាក់ថា ពិតជាបានធ្វើអត្តឃាតដោយខ្លួនឯងមែន ដោយគ្មានស្លាកស្នាមអ្វីពាក់ព័ន្ធនឹងអំពើឃាតកម្មឡើយ៕ ដោយ៖បញ្ញាស័ក្តិ
