កុមារាម្នាក់ បានធ្វើឲ្យមានការបញ្ចេញមតិនៅតាមបណ្តាញសង្គមជាច្រើនអំពីរូបគាត់ នៅពេលវីដេអូរបស់គាត់ ដែលយកដៃចាប់ភ្លៅមាន់បំពងក្នុងរូបភាពយកមកហូប ត្រូវបានគេបង្ហោះ និងចែកចាយជាច្រើន។
បើតាមវីដេអូ កុមារាម្នាក់ដែលមានអាយុប្រហែល ៣ទៅ ៤ឆ្នាំ បានអង្គុយនៅមុខរូបភាព និងមានរូបភ្លៅមាន់បំពងក្នុងរូបនោះ រួចគាត់បានយកដៃធ្វើជាចាប់ភ្លៅមាន់យកមកហូបយ៉ាងទំនង។
សកម្មភាពរបស់គាត់បានធ្វើឲ្យអ្នកនៅក្នុងបណ្តាញសង្គមមានការបញ្ចេញមតិផ្សេងៗខុសគ្នា ដោយអ្នកខ្លះលើកឡើងថា កុមារនោះប្រហែលជាគ្រួសារមិនដែលទិញភ្លៅមាន់បំពងឲ្យហូបហើយទើបគាត់ឃ្លានយ៉ាងនេះ ខណៈអ្នកខ្លះថា បើមើលតាមរូបរាង និងមាឌ គាត់មិនមែនជាមនុស្សដែលមិនទទួលបានអាហារគ្រប់គ្រាន់នោះទេ។ គាត់មានមាឌធំជាងកុមារដដទៃ ប្រហែលគាត់ហូបច្រើន
ទើបធ្វើឲ្យគាត់ចេះតែឃ្លានយ៉ាងនេះ ហើយធម្មតាទេ ក្មេងតែប៉ុណ្ណឹង។
ទោះយ៉ាងណា ក្រោយពេលវីដេអូរបស់គាត់ ត្រូវបានគេចែកចាយ ហើយទំនងលិចលឺដល់ក្រុមហ៊ុន បុគ្គលិកក្រុមហ៊ុនបានផ្តល់ភ្លៅមាន់ឲ្យគាត់ហូបមួយកំប៉ុងធំ។ ចង់ដឹងគាត់ធ្វើសកម្មភាពបែបណានៅមុខរូបភាពភ្លៅមាន់បំពង សូមមើលខាងក្រោមនេះ៕ សុភ័ក្ត្រ