Reuters បានចុះផ្សាយព័ត៌មាននៅថ្ងៃទី ៨ ខែមិថុនានេះថា ៖ តាមប្រធានាធិបតីត្រាំ រុស្ស៊ីគប្បីចូលរួមសន្និសីទកំពូលក្រុមប្រទេសឧស្សាហកម្មរីកចម្រើនលំដាប់ដំបូងពិភពលោក G7 ។
លោកត្រាំចេញដំណើរទៅកាន់កាណាដា ដើម្បីចូលរួមសន្និសីទកំពូល G7 ។
គួរកត់សម្គាល់ថា មេដឹកនាំដទៃទៀតរបស់ G7 កំពុងត្រៀមបម្រុងស្ថានភាពប្រឈមមុខជាមួយប្រធានាធិបតីត្រាំ នៅសន្និសីទកំពូល G7 ដែលនឹងប្រព្រឹត្តទៅនៅកាណាដា គឺគោលបំណងបង្កសម្ពាធបង្ខំឲ្យមេដឹកនាំអាមេរិករុះរើរបាំងពន្ធ នៃទំនិញអាលុយមីញ៉ូម ព្រមទាំងដែកថែប ព្រោះវាអាចបង្កក្លាយជាសង្គ្រាមពាណិជ្ជកម្មមួយ ។
តាមគម្រោងប្រធានាធិបតីត្រាំ នឹងចាកចេញពីកាណាដា ៤ម៉ោង មុនគម្រោងគ្រោងទុក គឺនៅព្រឹកថ្ងៃទី ៩ ខែមិថុនា ដើម្បីឆ្ពោះទៅកាន់សិង្ហបុរី ត្រៀមចូលរួមសន្និសីទកំពូលជាប្រវត្តិសាស្ត្រជាមួយមេដឹកនាំគីម ជុងអ៊ុន នាថ្ងៃទី ១២ ខែមិថុនា ខាងមុខ ៕ សូយន