ប៉ៃលិន៖អំពើហឹង្សាក្នុងគ្រួសារបានកើតឡើង បណ្តាលឲ្យស្ត្រីម្នាក់មានរបួសប៉ោងមុខ ដោយសារតែប្តីដាល់មួយដៃត្រង់ផ្ទៃមុខ ព្រោះខឹងមិនព្រមមកផ្ទះមេភូមិ ដើម្បីផ្តិតមេដៃលែងលះ។
បើតាមលោក ព្រិន្ទបាលទោ វ៉ន ដារ៉ា មន្ត្រីនគរបាលអធិការដ្ឋាននគរបាលស្រុកសាលាក្រៅ បានឲ្យដឹងថា កាលពីវេលាម៉ោង ១៧ ថ្ងៃសៅរ៍ ទី៩ ខែមិថុនា ឆ្នាំ២០១៨ មានករណីអំពើហឹង្សាក្នុងគ្រួសារមួយកើតឡើង ស្ថិតក្នុងភូមិស្លា ឃុំស្ទឹងកាច់ ស្រុកសាលាក្រៅ ខេត្តប៉ៃលិន។ ជនរងគ្រោះឈ្មោះ វណ្ណា មុំ ភេទស្រី អាយុ ២៥ឆ្នាំរស់នៅភូមិកើតហេតុខាងលើ របួសហើមមុខ ចំណែកជនសង្ស័យជាប្ដីឈ្មោះចេន វិចិត្រ ភេទប្រុស អាយុ ៣២ឆ្នាំ រស់នៅជាមួយគ្នា បានវាយប្រពន្ធត្រង់មុខមួយដៃ ដោយសារខឹងប្រពន្ធបបួលមកផ្ទះមេភូមិសុំលែងលះ។
បច្ចុប្បន្នជនបង្កត្រូវបានឃាត់ខ្លួននៅអធិការដ្ឋាននគរបាលស្រុកសាលាក្រៅដើម្បីកសាងសុំណុំរឿងតាមនីតិវិធីច្បាប់៕ ដោយ៖បញ្ញាស័ក្តិ
