ប្រព័ន្ធផ្សព្វផ្សាយរដ្ឋកូរ៉េខាងជើង KCNA នៅថ្ងៃទី ១១ ខែមិថុនា បានចុះផ្សាយលំអិតអំពីព័ត៌មានសន្និសីទកំពូល និងប្រធានាធិបតីអាមេរិក ។ នេះជាសកម្មភាពមួយត្រូវបានចាត់ទុកថាកម្រមានណាស់ ។
តាម Reuter នេះជាករណីលើកលែងរបស់ KCNA ។ តាមនោះ KCNA ឲ្យដឹងថា មេដឹកនាំកូរ៉េខាងជើង នឹងពិភាក្សាជាមួយប្រធានាធិបតីអាមេរិក ដូណាល់ ត្រាំ អំពី “យន្តការរក្សាសន្តិភាពយូរអង្វែង និងនិរន្តរភាព” នៅឧបទ្វីបកូរ៉េ ការរំសាយនុយក្លេអ៊ែរ នៅឧបទ្វីបកូរ៉េ និងបណ្តាបញ្ហាពាក់ព័ន្ធផ្សេងទៀត ។
ខណៈពេលដែលមេដឹកនាំទាំងពីរមកដល់សិង្ហបុរី នៅថ្ងៃទី ១០ ខែមិថុនា ឆ្នាំ ២០១៨ ។
KCNA ក្នុងព័ត៌មានជាភាសាអង់គ្លេសឲ្យដឹងថា ៖ “ទស្សនៈដ៏ជ្រាលជ្រៅ និងចក្ខុវិស័យទូលំទូលាយអំពីការបង្កើតចំណងទាក់ទងថ្មីរវាងសាធារណរដ្ឋប្រជាធិបតេយ្យ ប្រជាមានិត្យកូរ៉េ និងអាមេរិក បញ្ហាអំពីការកសាងយន្តការសន្តិភាពយូរអង្វែង និងស្ថិរភាពលើឧបទ្វីបកូរ៉េ បញ្ហាយល់ឲ្យបានច្បាស់អំពីការរំសាយនុយក្លេអ៊ែរនៅឧបទ្វីបកូរ៉េ និងបញ្ហាពាក់ព័ន្ធដទៃទៀតនៃបណ្តាភាគី អនុលោមតាមតម្រូវការនៃការប្រែប្រួលយុគ្គសម័យនិងត្រូវបានប្តូរយោបល់គ្នាក្នុងសន្និសីទកំពូល កូរ៉េខាងជើង និងអាមេរិក” ។ KCNA ក៏នៅបានសង្កត់ធ្ងន់ថា សន្និសីទកំពូលនេះគឺជាកិច្ចប្រជុំដំបូងជាប្រវត្តិសាស្ត្ររបស់ប្រទេសទាំងពីរ ហើយស្ថិតក្រោមចំណាប់អារម្មណ៍និងក្តីសង្ឃឹមរបស់ពិភពលោកទាំងមូល ៕
សូយន
