គេហទំព័រ NKNews.org ឲ្យដឹងថា លោកគីម បានមកអាកាសយានដ្ឋាន Changi តាមយន្តហោះ 747-400 Changi (Singapore) Air China របស់ចិន នៅវេលាម៉ោង ១៥ និង ១៥នាទី (ម៉ោងតំបន់) ថ្ងៃទី ១០ ខែមិថុនា ។ រូបភាពមួយចំនួនបង្ហាញឲ្យឃើញរថយន្ត Mercedes Benz ស្រោបដែកថែប រង់ចាំទទួលលោកគីម នៅលើព្រលាន ។
អ្នកយកព័ត៌មាន AP បានថតរូបភាពយន្តហោះដឹកជញ្ជូន IL-76 របស់ Air Koryo (កូរ៉េខាងជើង) ដែលចុះបន្ថែមប្រេង នៅទីក្រុងវ៉ាងចូវប្រទេសចិន ដែលមុននោះវាបានដឹកជញ្ជូនរថយន្តរបស់លោកគីម មក Changi ។
ប្រមាណ ១ម៉ោងក្រោយម ប្អូនស្រីរបស់គីម គឺនាង Kim Yo-jong តាមយន្តហោះ IL-62M ។
ទិន្នន័យរបស់គេហទំព័រ Flight Radar 24 ដែលជំនាញតាមកូរ៉េខាងជើង ឲ្យដឹងថា យន្តហោះដឹកលោកគីម បានប្តូរផ្លូវហោះហើរជាបន្តបន្ទាប់ ក្រោយពីឆ្លងកាត់រដ្ឋធានីប៉េកាំង ហើយជាទូទៅគឺបើកនៅលើលំហអាកាសដីគោក ចៀសឆ្ងាយពីលំហសមុទ្រ ។
រីឯការដែលលោកគីម និងប្អូនស្រីជិះយន្តហោះរួមគ្នាមកកាន់សិង្ហបុរី គឺសំដៅធានាកម្រិតសុវត្ថិភាពខ្ពស់បំផុតដល់មេដឹកនាំកូរ៉េខាងជើង ហើយវាពុំខុសពីការដែល “ប្រធានាធិបតីនិងអនុប្រធានាធិបតីអាមេរិក មិនធ្វើដំណើរក្នុងយន្តហោះរួមគ្នាឡើយ ។ នេះជាគោលការណ៍សន្តិសុខ ដើម្បីរក្សាការដឹកនាំរដ្ឋាភិបាលមិនរងភាពកាត់ផ្តាច់ ។
នៅកូរ៉េខាងជើង គ្រួសាររបស់លោកគីម ស្រដៀងគ្នានឹងរាជ្យវង្សមួយដែរ ហេតុនេះនាង Kim Yo-jong មិនអាចជិះយន្តហោះរួមជាមួយបងប្រុសមកកាន់សិង្ហបុរីឡើយ ៕ សូយន