ភ្នំពេញ ៖ មន្ត្រីសុរិយោដីខេត្តកណ្តាលម្នាក់ ដែលទើបចេញពីក្លិបត្រូហ្វែស បើករថយន្តមកដល់ស្ពានជ្រោយចង្វា ក៏ចុះពីរថយន្តរត់ឆ្លេឆ្លារកចង់លោតទម្លាក់ខ្លួនចូលក្នុងទឹក ហើយសមត្ថកិច្ចឃើញទាន់ជួយអន្តរាគមន៍ ឃាត់បញ្ជូនមកខណ្ឌជ្រោយចង្វា រួចធ្វើតេស្តទឹកនោមមានជាប់សារធាតុញៀន។
ហេតុការណ៍នេះកើតឡើង នៅម៉ោង៣និង៣០នាទី ថ្ងៃទី១០ ខែមិថុនា ឆ្នាំ២០១៨ ចំណុចលើស្ពានជ្រោយចង្វា។បុរសរូបនោះ ឈ្មោះ លឿង អ៊ាន់ អាយុ៣៤ឆ្នាំ ជាមន្ត្រីសុរិយោដីខេត្តកណ្តាល បើករថយន្ត ម៉ាក ឡិចស៊ីស Gs450 ពណ៌សពាក់ស្លាកលេខ ភ្នំពេញ 2Al5422 ។ មន្ត្រីសុរិយោដីរូបនោះ បានចេញពីក្លិប ត្រូហ្វែស នៅម៉ោង០០និង១០នាទីរំលង ថ្ងៃទី១០ ខែមិថុនា ឆ្នាំ២០១៨ បើកបរម្នាក់ឯង ដល់លើស្ពានបាត់បង់ស្មារតី ក៏ចុះពីរថយន្តរត់ឆ្លេឆ្លាចង់លោតទម្លាក់ទឹក តែសមត្ថកិច្ចឃើញទាន់ជួយអន្តរាគមន៍ ឃាត់បញ្ជូនមកខណ្ឌ រួចធ្វើតេស្តទឹកនោមមានសារធាតុញៀន ៕ ដោយ៖បញ្ញាស័ក្តិ