បន្ទាយមានជ័យ ៖ មានករណីមនុស្សស្លាប់នៅក្នុងបន្ទប់លេខ១១៨ផ្ទះជួល នៅផ្លូវដើមពុទ្រា ភូមិក្បាលស្ពាន១ សង្កាត់ប៉ោយប៉ែតក្រុងប៉ោយប៉ែត ខេត្តបន្ទាយមានជ័យ ថ្ងៃទី១១ ខែមិថុនា ឆ្នាំ២០១៨ វេលាម៉ោង៨ព្រឹក ។ សាកសពឈ្មោះប្រាក់ សូស៊ិន ផេង ភេទប្រុស អាយុ៥៩ឆ្នាំ ជនជាតិថៃ។
លោកណៃ សុខា អាយុ៦០ឆ្នាំ ភេទប្រុស ជនជាតិខ្មែរ ជាម្ចាស់ផ្ទះបានអោយដឹងថា ឈ្មោះប្រាក់ កូស៊ិន ផេង បានមកជួលបន្ទប់ស្នាក់នៅជាង១០ឆ្នាំហើយ ជាអ្នកលេងល្បែងតាមកាស៊ីណូលុះដល់ថ្ងៃទី៨ ខែមិថុនា ឆ្នាំ២០១៨ មិនឃើញចេញពីបន្ទប់ លុះដល់យប់ថ្ងៃទី១០ ខែមិថុនា ឆ្នាំ២០១៨ ទើបធុំក្លិនស្អុយចេញពីបន្ទប់១១៨ ទើបដឹងថាមានមនុស្សស្លាប់។
សមាសភាពគណ:កម្មការត្រួតពិនិត្យមានៈ លោក វរសេនីយទោ សួន សុត្ថារ័ត្ឋ នាយការិយាល័យបច្ចេកទេស និងកំលាំងជំនាញ លោក ព្រហ្ម ពិសិដ្ឋ អធិការរង និងកម្លាំងផ្នែកជំនាញ លោកព្រំ គឹមហៀង គ្រូពេទ្យបង្អែកក្រុង។
លោកជា ជឿន ក្រុមប្រឹក្សា សង្កាត់ លោកមេភូមិក្បាលស្ពាន១ កម្លាំងកងរាជអាវុធហត្ថក្រុង កម្លាំងប៉ុស្តិ៍រដ្ឋបាលប៉ោយប៉ែត កម្លាំងនគរបាលអន្តោរប្រវេសន៍ច្រកទ្វារ តាមការត្រួតពិនិត្យរបស់គណ:កម្មការជំនាញ និង លោកគ្រូពេទ្យជំនាញបានសន្និដ្ឋានថាឈ្មោះប្រាក់ កូសុិនផេង ស្លាប់ដោយជំងឺខ្យល់គ ។
សាកសពនេះមិនពាក់ព័ន្ធករណីឃាតកម្មទេ។ បច្ចុប្បន្នសាកសពទៅតំកល់ទុកនៅវត្តបាលិលេយ្យនិងប្រគល់ជូនសាច់ញាតិ ៕ ដោយ ៖ បញ្ញាស័ក្តិ
