ភ្នំពេញ ៖ ក្រសួងអប់រំ យុវជន និងកីឡា ដែលមានលោកហង់ជួន ណារ៉ុន ជារដ្ឋមន្ត្រី បាន ណែនាំអោយបញ្ឈប់ការយកគ្រប់យុទ្ធភណ្ឌមិនទាន់ផ្ទុះមកកែច្នៃប្រើប្រាស់ធ្វើជាជួងក្នុងសាលារៀន ដើម្បីបញ្ចៀសគ្រោះថ្នាក់ជាយថាហេតុណាមួយដល់កុមារកម្ពុជា។
លោករដ្ឋមន្ត្រី បានបន្ថែមថា តាមរយៈការណែនាំរបស់អាជ្ញាធរកម្ពុជាគ្រប់គ្រងសកម្មភាពកម្ចាត់មីន និងសង្គ្រោះជនពិការដោយសារមីន ទោះបីគ្រាប់យុទ្ធភណ្ឌមិនទាន់ផ្ទុះគ្រប់ប្រភេទស្ថិតក្នុងសភាពល្អស្អាត ឬខូចខាតទ្រង់ទ្រាយដើមក៏ដោយ ក៏នៅតែអាចផ្ទុះនឹងបណ្ដាលឱ្យមានគ្រោះថ្នាក់គ្រប់ពេលវេលា នៅពេលដែលមាននរណាម្នាក់យកដំ កែច្នៃ ឬគ្រវែងលេងជាដើម៕ ដោយ ៖ បញ្ញាស័ក្តិ
