ភ្នំពេញ ៖ គណៈកម្មាធិការជាតិរៀបចំការបោះឆ្នោត នៅតែលើកទឹកចិត្តដល់ប្រជាពលរដ្ឋ អ្នកបោះឆ្នោត សូមគូសសញ្ញាធិក ឱ្យបានត្រឹមត្រូវ ក្នុងប្រអប់បួនជ្រុង ឬក្នុងក្រឡោនរាង ចតុកោណកែង របស់គណបក្សនយោបាយ ដែលខ្លួនពេញចិត្តជាជាងសញ្ញាផ្សេងៗទៀត ។
គណៈកម្មាធិការជាតិរៀបចំការបោះឆ្នោត (គ.ជ.ប) បានបញ្ជាក់ជាថ្មី ចំពោះការគូសសញ្ញាគាំទ្រ គណបក្សលើសន្លឹកឆ្នោត ក្នុងនោះមានសញ្ញាធិក សញ្ញាខ្វែង សញ្ញា + សញ្ញា – សញ្ញា / សញ្ញា \ សញ្ញា V សញ្ញា U សញ្ញារាងអក្សរយូផ្កាប់ចុះក្រោម សញ្ញា ០ សញ្ញា ( សញ្ញា ) សញ្ញា ~ ឬសញ្ញាណាដែលគេមិនអាចស្គាល់អត្តសញ្ញាណរបស់អ្នកបោះឆ្នោត៕ ដោយ ៖ បញ្ញាស័ក្តិ
