នេះជាវីដេអូដ៏សែនរន្ធត់បំផុតមួយ ដែលបង្ហាញឲ្យឃើញបុរសម្នាក់ បានធ្វើសកម្មភាពដ៏សាហាវព្រៃផ្សៃមួយ យកកន្ត្រៃចាក់គ្នានត្រាប្រណីដៃ មកលើស្ត្រីម្នាក់ នៅក្នុងហាងកាត់សម្លៀកបំពាក់គេមួយកន្លែង នៃប្រទេសឥណ្ឌា កាលពីពេលកន្លងទៅនេះ ។
យោងតាមប្រភពមួយចំនួនថា បុរសនៅក្នុងវីដេអូនេះ គឺជាប្តីរបស់នារីរងគ្រោះ និងតាមរករឿងប្រពន្ធរបស់ខ្លួន រហូតដល់ក្នុងហាងកាត់សម្លៀកបំពាក់មួយ ។ ប៉ុន្តែ គេពុំបានដឹងថា ប្តីរូបនោះមានជម្លោះទាស់ទាញជាមួយប្រពន្ធដោយសាររឿងអ្វីនោះទេ ។
វីដេអូបានបង្ហាញឲ្យឃើញប្តីនេះចូលចាប់អូសដៃប្រពន្ធចេញខាងក្រៅ ប៉ុន្តែ នៅពេលនាងបដិសេចទៅតាមជាមួយ ស្រាប់តែប្តីចិត្តកំណាចរូបនេះ ចាប់ទាញកន្ត្រៃរបស់ម្ចាស់ហាង ចាក់យ៉ាងសន្ធាប់តែម្តង ។ នៅពុំអស់កំណាចខឹង ប្តីរូបនេះនៅបន្តចាក់លើប្រពន្ធសាប់យៗ រហូតនាងដួលទៅនឹងជញ្ជាំងតែម្តង ។
បន្ទាប់ពីបានឮសម្លេងស្រែកឆោឡោឡើងឲ្យជួយពីម្ចាស់ហាង មនុស្សម្នាជាច្រើនដែលជិតខាង ក៏បានស្ទុះមកមើល ។ ម្នាក់ក្នុងចំណោមជាច្រើននាក់ បានចូលមកអន្តរាគម និងបានចាប់ដកកន្ត្រៃចេញពីដៃរបស់បុរសនេះ និងនាំចេញក្រៅ ។ ទោះយ៉ាងណា ស្ត្រីរងគ្រោះពុំបានបង្ហាញពីអាការៈឈឺចុកចាប់ធ្ងន់ធ្ងរនោះទេ ដោយនាងនៅតែមានស្មារតីនឹងនរ ។ ប៉ុន្តែ ក្រោយមក នាងត្រូវបានអ្នកជិតខាងទាំងនោះ ដឹកយកទៅសង្គ្រោះនៅមន្ទីរពេទ្យ ដើម្បីព្យាបាលរបួសត្រូវប្តីចាក់យ៉ាងសាហាវនេះផងដែរ ៕ ឧត្តម
