ជាទូទៅ កូនភ្លោះតែងតែមានរូបរាងដូចគ្នា ប៉ុន្តែកូនភ្លោះស្រីមួយគូនេះ ខុសប្លែកកូនភ្លោះផ្សេងៗទាំងស្រុង ដោយសារពួកគេកើតមក មានសម្បុរសម្នាក់ និងខ្មៅម្នាក់។
បើតាមម្តាយរបស់ក្មេងស្រីភ្លោះទាំងពីរ ឈ្មោះ Donna Aylmer បានបញ្ជាក់ថា គាត់ព្រមទាំងប្តីបានដឹងថាកូនក្នុងផ្ទៃរបស់គាត់ជាកូនភ្លោះ ប៉ុន្តែពួកគេមានអារម្មណ៍ភ្ញាក់ផ្អើលយ៉ាងខ្លាំង នៅពេលដែលកូនភ្លោះរបស់ពួកគេ កើតមកមានសម្បុរសម្នាក់ និងខ្មៅម្នាក់។ នេះបើតាមការចេញផ្សាយរបស់ Good Times។
ដោយសារតែកើតមកមានរូបរាងខុសគ្នាបែបនេះ ធ្វើឲ្យអ្នកដទៃមិនងាយជឿថាពួកគេជាកូនភ្លោះនោះទេ។
Lucy មានស្បែកស ភ្នែកខៀវ និងសក់ក្រហមត្រង់ ចំនែកបងស្រីភ្លោះរបស់ខ្លួន ឈ្មោះ Maria មានសម្បុរខ្មៅ ភ្នែកពណ៌ត្នោត និងសក់រួញពណ៌ត្នោត។
ម្តាយរបស់ក្មេងស្រីភ្លោះនោះជាកូនកាត់មានសប្បុរស្បែកពណ៌ខ្មៅ ចំនែកឪពុករបស់ពួកគេមានសម្បុរស។
បច្ចុប្បន្ន ក្មេងស្រីភ្លោះនេះមានអាយុ ២០ឆ្នាំ ហើយវារឹតតែធ្វើឲ្យពួកគេមើលទៅកាន់តែខុសគ្នាកាន់តែខ្លាំង៕ សុភ័ក្ត្រ
