ពូជសត្វខ្លាឃ្មុំឆ្មា នៅ Minnesota ប្រទេសអាមេរិក បានក្លាយជាតារាមួយដួង លើបណ្តាញសង្គមដែលក្នុងអំឡុងពេល ១ រាត្រីប៉ុណ្ណោះ ។ ប៉ុន្តែគេនាំគ្នាសួរថា តើគួរផ្តល់គោរម្យងារអ្វីដល់វា ។
ខ្លាឃ្មុំឆ្មា វាឡើងជញ្ជាំងត្រង់ភ្លឹង។
តាម Live Science ខ្លាឃ្មុំឆ្មាមួយនេះបានវារឡើងតាមជញ្ជាំងបេតុងត្រង់ភ្លឹងឆ្ពោះទៅកាន់ដំបូលអគារជាន់ទី ២៣ នៅ St. Paul, Minnesota ។ ឥឡូវពួកគេរង់ចាំសំឡឹងមើលវាវិលត្រឡប់មកកាន់ផ្ទៃដីវិញ ។
ខ្លាឃ្មុំឆ្មា សម្រាកយកកម្លាំងនៅគែមបង្អួចបន្ទប់មួយ ។
គួរកត់សម្គាល់ថា ដើម្បីឡើងដល់ជាន់ទី ២៣ វាត្រូវចំណាយពេលប្រមាណ ២៣ ម៉ោងឯណោះ ហើយវាឡើង ២-៣ជាន់ វាសម្រាកម្តង ដោយគ្មានចំណីអាហារ និងទឹកផឹក ជាហេតុធ្វើឲ្យអ្នកអភិរក្សសត្វបានសម្រេចចាប់វាបញ្ជូនទៅតំបន់ព្រៃវិញ ។
ខ្លាឃ្មុំឆ្មាវាមានទេពកោសល្យក្នុងការលោតតោងណាស់ និងនិយមរស់នៅជិតតំបន់ប្រជុំជនដែលសម្បូរអាហារ ប៉ុន្តែចំពោះខ្លាឃ្មុំឆ្មាមួយនេះវាបានបង្ខំចិត្តតោងឡើងអគារខ្ពស់ដោយសារពេលនោះមានមនុស្សប្រដេញវា ទើបវាប្រញាប់តោងឡើងព្រោះភ័យខ្លាច ។
ឥឡូវនេះគេបានបញ្ជូនវាទៅកាន់តំបន់ព្រៃវិញហើយ ៕ លីសា
