តាមរយៈឃ្លីបខាងក្រោម បង្ហាញឲ្យឃើញករណីគ្រោះថ្នាក់ចរាចរណ៍បង្កឡើងដោយការធ្វេសប្រហែស តែសំណាងល្អដែលពុំបណ្តាលឲ្យមានអ្នកស្លាប់គ្រាន់តែធ្វើឲ្យខូចខាតទ្រព្យសម្បត្តិ និងរាំងស្ទះចរាចរណ៍ប៉ុណ្ណោះ ។ របាយការណ៍របស់ប៉ូលិសប្រាប់ថា ៖ រថយន្តដឹករមូលដែកថែបនេះ បើកពីក្រោយរថយន្តមួយបានជួបឧបសគ្គ ហើយបង្ខំចិត្តជាន់ហ្វ្រាំង ដែលធ្វើឲ្យរថយន្តផ្ទុករមូលដែកដែលពុំបានចងច្រវ៉ាក់ និងដាក់កំណល់ទប់ឲ្យបានត្រឹមត្រូវ ។ ដែកពីររមូរមានទម្ងន់ ៦០ តោន បានរអិលបុកផ្តាច់ច្រវ៉ាក់ រួចបន្តដំណើរកិនខ្ទេចក្បាលរថយន្ត រួចធ្លាក់ទៅសង្កត់ពីលើរថយន្តមួយគ្រឿងទៀតដែលបើកក្បែរនោះ ។
ជារឿយៗនៅកម្ពុជាយើងពិសេសតាមផ្លូវជាតិលេខ ៤ តែងឃើញមានរថយន្តដែលដឹកដែកសរសៃ ឬរមូរដែក ហើយពុំមានការរៀបចំឲ្យត្រឹមត្រូវតាមបទដ្ឋានមុនពេលចូលរួមចរាចរណ៍លើផ្លូវជាតិ ។
មេត្តាចំណាយពេលមើលហេតុការណ៍នេះ ទុកជាការបង្ការកុំឲ្យកើតមានសោកនាដកម្មកើតឡើងដោយសារការធ្វេសប្រហែសនោះ។