ក្នុងសម័យទំនើបបច្ចុប្បន្ននេះ លុយពិតជាមានសារៈសំខាន់ណាស់ ព្រោះអ្វីៗស្ទើរទាំងអស់សុទ្ឋតែត្រូវការយកលុយទៅទិញ។
បើយើងសួរសំនួរនេះ “តើចង់បានលុយដែរឬទេ?” ក្នុងចំណោមមនុស្ស ១០០ នាក់ ប្រហែលជា ៩០ ទៅ ៩៩នាក់ឆ្លើយថាចង់បាន។
ទោះបីយ៉ាងណាក៍ដោយ លុយវាមិនមែនចេះតែហោះចូលក្នុងហោប៉ៅយើងងាយៗនោះទេ។ យើងត្រូវមានសមត្ថភាពរកវា តាមរយះធ្វើការងារ រកស៊ីលក់ដូរ និងប្រើជំនាញផ្ទាល់ខ្លួនជាដើម។
ក្រៅពីធ្វើការងារ រកស៊ីជាដើម ហុងស៊ុយក៍វាអាចជួយយើងតាមផ្លូវងងឹត ដើម្បីអោយយើងមានចំណូលចូលច្រើនបានដែរ។
ខាងក្រោមនេះជាវិធីខ្លះៗ ដែលក្បួនហុងស៊ុយចិនគេណែនាំអោយយើងធ្វើដើម្បីមានលាភ និងមានប្រាក់ហូរចូល៖
១ -ឧស្សាហ៍រៀបចំផ្ទះ ឬរបស់របរអោយមានរបៀបរៀបរយ
២ -ផ្លាស់ប្តូរកាបូបលុយចាស់ៗចេញ
៣ – ផ្សារភ្ជាប់ជីវិតអ្នកទៅនឹងទឹក (ដូចជាការដាក់តាំងរូបគំនូរ ទឹកជ្រោះ ទន្លេ សមុទ្រជាដើម ឬដាក់ទូកញ្ចក់ចិញ្ជឹមត្រីក្នុងផ្ទះ ព្រោះតាមក្បួនហុងស៊ុយ ទឹក តំនាងអោយទ្រព្យសម្បតិ្ត)
៤ -ជួសជុលកន្លែងខូតខាតក្នុងផ្ទះអោយស្អាតឡើងវិញ (កន្លែងធ្លុះធ្លាយ ឬបែកបាក់ក្នុងផ្ទះ គេជឿថាអាចនាំអោយប្រាក់ធ្លាយចេញតាមកន្លែងនោះដែរ)
៥ -ពណ៌នាំលាភ (តុបតែក្នុងផ្ទះ ឬបន្ទប់គេដោយប្រើពណ៌ហុងស៊ុយដែលអ្នកចូលចិត្ត)៕ សុភ័ក្ត្រ