ខេត្តព្រះសីហនុ៖ នគរបាលចរាចរណ៍ជើងគោកខេត្តព្រះសីហនុ បានឲ្យដឹងថា សម្តេចក្រុមព្រះ នរោត្តម រណប្ញទ្ធិ និងអ្នកម្នាងព្រមទាំងអ្នរងគ្រោះច្រើននាក់ទៀត កំពុងសង្រោះបន្ទាន់នៅមន្ទីរពហុព្យាបាលសេតេ ក្រុងព្រះសីហនុ។
មន្ត្រីនគរបាល បានឲ្យដឹងថា ក្បួនរថយន្ត របស់សម្តេចក្រុមព្រះ នរោត្តម រណប្ញទ្ធិ ព្រះប្រធានគណបក្សហ្វ៊ុនស៊ិនប៉ិច បានបុកគ្នាបណ្តាលឲ្យសម្តេចក្រុមព្រះ នរោត្តម រណប្ញទ្ធិ និងអ្នកម្នាង ព្រមទាំងមនុស្សជាច្រើននាក់រងរបួស កាលពីព្រឹកថ្ងៃអាទិត្យ ទី១៧ ខែមិថុនា ឆ្នាំ២០១៨។
នគរបាលឲ្យដឹងទៀតថា គ្រោះថ្នាក់ចរាចរណ៍នេះ កើតឡើងនៅត្រង់ចំណុចភូមិអូតាសេក ឃុំអូរចំណារ ស្រុកព្រៃនប់ ខេត្តព្រះសីហនុ។
បច្ចុប្បន្នទាំងសម្តេចក្រុមព្រះ និងអ្នករងគ្រោះច្រើនទៀត កំពុងសំរាកព្យាបាលនៅពហុព្យាបាលសេតេ,CT ខេត្តព្រះសីហនុ និងត្រៀមដឹកបន្តទៅកាន់មន្រពេទ្យផ្សេង។
យ៉ាងនេះក្តី សមត្ថកិច្ចមិនទាន់បង្ហាញរបាយការណ៍ ឬឈ្មោះអ្នករបួសធ្ងន់ស្រាលមានចំនួនប៉ុន្មាននាក់ឲ្យពិតប្រាកដទេ៕ ដោយ ៖ ដែនសីមា