ប្រភពពី Fox News មនុស្សជាង ២០នាក់ បានរងរបួស ក្នុងករណីផ្ទុះអាវុធមួយនៅកើតឡើងនៅល្ងាចថ្ងៃទី ១៧ ខែមិថុនា (ម៉ោងនៅកម្ពុជា) ក្នុងព្រឹត្តិការណ៍សិល្បៈមួយ ប្រព្រឹត្តទៅនៅទីក្រុង Trenton ទីក្រុងធំនៃរដ្ឋ New Jersey អាមេរិក ។
ថ្លែងប្រាប់កាសែត អយ្យការប្រចាំមណ្ឌល Mercer Angelo ឈ្មោះ J.Onofri ឲ្យដឹងថា មនុស្សប្រមាណ ២០នាក់រងរបួសក្នុងករណីផ្ទុះអាវុធនេះ ហើយមានមនុស្ស ១៦នាក់ កំពុងសម្រាកព្យាបាលនៅមន្ទីរពេទ្យជិតនោះ ។
ជនសង្ស័យដែលបានបាញ់រះត្រូវស្លាប់នៅកន្លែងកើតហេតុក្នុងពេលដែលមុខសញ្ញាមួយផ្សេងទៀត ត្រូវបានប៉ូលិសចាប់ខ្លួន ។ តាមការប៉ាន់ស្មានរបស់ប៉ូលិសមានមនុស្សរាប់ពាន់នាក់ បានមកចូលរួមក្នុងព្រឹត្តិការណ៍សិល្បៈខាងលើ ។ ប៉ូលិសកំពុងស៊ើបអង្កេតករណីនេះ ៕ សូយន
