មនុស្ស ១៧ នាក់ស្លាប់ក្នុងក្លិបរាត្រីណែនណាន់តាន់តាប់មួយ នារដ្ឋធានី Caracas ក្រោយពេលឧស្ម័នបង្ហូរទឹកភ្នែកមួយ បានបាញ់ឧស្ម័នចេញបង្កជាភាពស្លន់ស្លោររត់ជាន់គ្នា ។
មនុស្ស ១៧នាក់ស្លាប់ ក្នុងករណីរត់ជាន់គ្នានៅ Caracas
ករណីឈ្លោះប្រកែកគ្នាមួយបានផ្ទុះឡើងក្នុងពិធីជប់លៀងបញ្ចប់ការសិក្សានៅវិទ្យាល័យនាព្រឹកព្រលឹមអុរថ្ងៃទី ១៦ ខែមិថុនា ហើយពេលនោះមានមនុស្សម្នាក់បាញ់ឧស្ម័នបង្ហូរទឹកភ្នែក ធ្វើឲ្យមនុស្សជាង ៥០០នាក់ ផ្អើលស្លន់ស្លោររត់សំដៅទ្វារគ្រាមានអាសន្ន ។
ថ្លែងតាមស្ថានីយ៍ទូរទស្សន៍ជាតិរដ្ឋមន្ត្រីក្រសួងមហាផ្ទៃ និងយុត្តិធម៌ Nestor Reverol ប្រាប់ថា មានមនុស្ស ១៧នាក់ស្លាប់ ហើយមនុស្ស ៨នាក់ ក្នុងចំណោមនោះគឺជាក្មេងជំទង់មិនទាន់ពេញវ័យ ។ បណ្តាសាក្សីឲ្យដឹងថា ក្មេងជំទង់ម្នាក់ ក្នុងចំណោមមនុស្ស ៧នាក់ ដែលត្រូវចាប់ឃាត់ខ្លួន ត្រូវបានគេសង្ស័យថា ជាអ្នកបាញ់ឧស្ម័នបង្ហូរទឹកភ្នែកនេះ ។
ជនរងគ្រោះដែលស្លាប់ព្រោះតែថបដង្ហើម ឬរងរបួសធ្ងន់ធ្ងរ ក្នុងនោះយ៉ាងតិចមានមនុស្ស ៥នាក់ ត្រូវរបួសហើយត្រូវបានគេបញ្ជូនទៅកាន់មន្ទីរពេទ្យ ។
ក្លិបរាត្រីនេះបានត្រូវបិទទ្វារ ហើយអ្នកគ្រប់គ្រងពុំត្រូវបានចាប់ខ្លួនព្រោះពុំបានអនុលោមការកំណត់ទាក់ទងដល់ការត្រួតពិនិត្យនៅទីសាធារណៈ ៕ សូយន