ស្ត្រីម្នាក់បានធ្វើឲ្យគ្រប់គ្នានៅលើអ៊ិនធើរណេត គ្រាន់តែឃើញនៅក្នុងវីដេអូ លាន់មាត់ថា «មិនរស់ទេ» ខណៈនាងបានរត់ឆ្លងផ្លូវ និងត្រូវរថយន្តគេបុកយ៉ាងពេញទំហឹង ។ ដែលហេតុការណ៍ដ៏រន្ធត់នេះ ពុំមែនកើតឡើងនៅប្រទេសចិនទេ ប៉ុន្តែ មនុស្សមួយចំនួនច្រើនជឿថា វាបានកើតឡើងនៅក្នុងប្រទេសកាដាណា? ។
តាមរយៈវីដេអូ ដំបូងឡើយ ស្ត្រីម្នាក់ស្លៀកខោខូវប៊យ និងពាក់អាវយឺតខ្មៅ ត្រូវបានឃើញលើខឿនច្បារពុះចែកទ្រូងផ្លូវ ក្នុងបំណងឆ្លងទៅចិញ្ចើមផ្លូវម្ខាងទៀត ខណៈរថយន្តកំពុងជាច្រើនកំពុងបើកយឺតៗបន្តកន្ទុយគ្នា ។ ដោយឃើញឱកាសល្អ នាងក៏បានសម្រេចរត់ឆ្លងផ្លូវយ៉ាងលឿន ប៉ុន្តែ ជាអកុសល នាងស្រាប់តែវាក់នឹងរថយន្ត១គ្រឿងដែលបើកវ៉ាឆ្វេងយ៉ាងលឿនដោយពុំប្រុងប្រយ័ត្ន ដែលជាហេតុធ្វើឲ្យនាងទប់លំនឹងរត់ពុំជាប់ ក៏រអិលនឹងស្បែកជើងកែងចោត ចូលក្រោមរថយន្តទាំងកម្រោលតែម្តង ។
ភ្លាមៗនោះ អ្នករស់នៅជិតខាងដងផ្លូវ និងរួមទាំងអ្នកដំណើរដទៃ បានចុះមកជួយសង្គ្រោះនាង និងឃាត់រថយន្តដែលបើកបរដោយបុរសម្នាក់ផងដែរ ។
ស្ត្រីរងគ្រោះត្រូវបានដឹងថា បានរងរបួសធ្ងន់ធ្ងររហូតសន្លប់ និងត្រូវបានគេដឹកយកទៅសង្គ្រោះនៅមន្ទីរពេទ្យភ្លាមៗផងដែរ ។ ទោះជាយ៉ាងណា ពុំទាន់ឃើញមានប្រភពព័ត៌មានណាមួយ បញ្ជាក់ឲ្យដឹងថាតើស្ថានភាពរបួសនាងទៅជាយ៉ាងណានោះទេ ៕ ចន្ទី