ខេត្តស្វាយរៀង ៖ លោកជំទាវកិត្តិសង្គហបណ្ឌិត ម៉ែន សំអន ឧបនាយករដ្ឋមន្ត្រីរដ្ឋមន្ត្រីក្រសួងទំនាក់ទំនងជាមួយរដ្ឋសភា ព្រឹទ្ធសភានិងអធិិការកិច្ចនិងជាប្រធានក្រុមការងារចុះជួយខេត្តស្វាយរៀងបានថ្លែងអំពាវនាវដល់ប្រជាពលរដ្ឋទាំងអស់នៅស្រុកស្វាយជ្រំត្រូវនាំគ្នាទៅបោះឆ្នោតអោយបានគ្រប់គ្នាគឺបោះឆ្នោតជូនគណបក្សប្រជាជនកម្ពុជាដើម្បីរក្សាបានស្ថេរភាពនយោបាយ សុខសន្តិភាពនិងការអភិវឌ្ឍឥតឈប់ឈរ។ការថ្លែងអំពាវនាវបែបនេះធ្វើឡើងនៅក្នុងពិធីបុណ្យឆ្លងព្រះវិហារនិងសមិទ្ធិផលនានាវត្តស្វាយជ្រំដែលចំណាយថវិការជួសជុលនិងសាងសង់បន្ថែមអស់ជាង១០មុឺនដុល្លាព្រមទាំងកាត់ខ្សែបូរណ៍សម្ពោធបណ្ណាល័យសាលាបឋមសិក្សាហ៊ុនសែនស្វាយជ្រំស្ថិតក្នុងភូមិបឹងវែងឃុំស្វាយជ្រំស្រុកស្វាយជ្រំខេត្តស្វាយរៀងនៅព្រឹកថ្ងៃទី១៨ខែមិថុនាឆ្នាំ២០១៨។
លោកជំទាវកិត្តិសង្គហបណ្ឌិត ក៏ពាំនាំនូវការផ្តាំផ្ញើសាកសួរសុខទុក្ខពីសំណាក់សម្តេចតេជោ ហ៊ុន សែន នាយករដ្ឋមន្ត្រីនៃព្រះរាជាណាចក្រកម្ពុជា និងសម្តេចកិត្តិព្រឹទ្ធណ្ឌិត ប៊ុន រ៉ានី ហ៊ុន សែន ប្រធានកាកបាទក្រហមកម្ពុជា ជូនដល់អង្គពិធី ទាំងមូលផងដែរ។
លោកជំទាវក៏បានមានប្រសាសន៍បន្តទៀតថា ក្រោមនយោបាយ ឈ្នះ ឈ្នះ របស់សម្តេចតេជោ បានដឹកនាំប្រទេសឲ្យមានការអភិវឌ្ឍន៍ លើគ្រប់វិស័យទាំងអាណាចក្រ និងពុទ្ធចក្រ ។ តួយ៉ាងដូចជាពេលនេះដែលអនុញ្ញាតឲ្យបងប្អូនប្រជាពលរដ្ឋទាំងអស់គ្នា ចូលរួមធ្វើបុណ្យធ្វើទានតាមប្រពៃណីសាសនាក្រោមម្លប់នៃសុខសន្តិភាព។
លោកជំទាវកិត្តិសង្គហបណ្ឌិតក៏បានសំណូមពរ ឱ្យប្រជាពលរដ្ឋទាំងអស់ ត្រូវរួមគ្នា ថែរក្សាសុខសន្តិភាព និងការអភិវឌ្ឍន៍ ថែរក្សាស្ថេរភាពនយោបាយ ថែក្សាការពារនូវសមិទ្ធិផលដែលបានពីកា រខិតខំរបស់រាជរដ្ឋភិបាល ។ លោកជំទាវក៏បានលើកឡើងផងដែរ នូវកត្តាចំបងធំៗទាំង៤គឺ មនុស្ស ផ្លូវ ទឹក ភ្លើង ដែលជាកត្តាដ៏សំខាន់បំផុត ដែលត្រូវបាន រាជរដ្ឋាភិបាលបាយកយកចិត្តទុកដាក់ខ្ពស់បំផុតក្នុងន័យជួយសម្រួល ដល់ការអភិវឌ្ឍន៍មូលដ្ឋានតែម្ដង។
លោកជំទាវម៉ែនសំអនបានបន្តទៀតថា ក្នុងនាមជា សមាជិក សមាជិកា របស់គណបក្សប្រជាជនកម្ពុជាត្រូវត្រៀមខ្លួនគ្រប់បែបយ៉ាង និងពង្រឹងនូវសមត្ថភាពរបស់ សមាជិកប្ស និងត្រៀមខ្លួនសម្រាប់ចូលរួមក្នុងយុទ្ធនាការឃោសនាបោះឆ្នោត ដែលនឹងប្រព្រឹត្តមកដល់ក្នុង ពេលខាងមុខ និងត្រូវចូលរួមក្នុងការបោះឆ្នោតឲ្យបានគ្រប់គ្នានៅថ្ងៃទី ២៩ ខែកក្កដា ឆ្នាំ២០១៨ និងគាំទ្របេក្ខភាពសម្តេចអគ្គមហាសេនាបតីតេជោ ហ៊ុន សែន ជាបេក្ខភាពជានាយករដ្ឋមន្ត្រីក្នុងអាណត្តិទី ៦ និងអាណត្តិបន្តបន្ទាប់ទៀត។នៅក្នុងពិធីនេះលោកជំទាវម៉ែនសំអនបាននាំនូវអំណោយដល់យាយជីតាជីលោកគ្រូអ្នកគ្រូ សិក្សានុសិស្ស ប្រជាពលរដ្ឋ កងកម្លាំងប្រដាប់អាវុធប្រគេនបច្ច័យដល់វត្តស្វាយជ្រំផងដែរ៕ វ៉ៃកូ
