បុរសអាយុ ៣៥ ឆ្នាំម្នាក់បានស្លាប់ បន្ទាប់ពីធ្លាក់ពីលើទឹកជ្រោះខ្ពស់ប្រហែល ៥០ ម៉ែត្រ នៅភាគខាងត្បូងប្រទេសឥណ្ឌា ខណៈពេលគាត់កំពុងព្យាយាមរូបថតភាពបង្ហោះឡើងបណ្តាញសង្គម ។
វីដេអូបង្ហាញជនរងគ្រោះឈ្មោះ Ramjan Usman Kagji មកពីតំបន់ក្បែរ Ghatprabha បានចុះពីលើច្រាំងថ្មនៃទឹកជ្រោះ Gokak ដែលជាគោលដៅទេសចរណ៍ដ៏ពេញនិយមនៅក្នុងស្រុក Belagavi នៃរដ្ឋ Karnataka ។
គាត់ត្រូវបានគេមើលឃើញកំពុងធ្វើដំណើរឆ្ពោះទៅកាន់ក្បាលជញ្ជាំងថ្មមួយ និងនៅពេលនោះ គាត់ក៏បានរអិលជើងធ្លាក់ចុះតែម្តង បន្ទាប់ពីពីមិត្តភក្តិរបស់គាត់បានប្រាប់គាត់ឱ្យផ្លាស់ប្តូរទីតាំងថត ដើម្បីពួកគេអាចទទួលបានមុំល្អប្រសើរជាងមុន ។
ខ្សែវីដេអូបានបង្ហាញ Kagji បានបាត់បង់លំនឹងជើង និងធ្លាក់ចុះ ខណៈភ្ញៀវទេសចរដទៃទៀត អាចត្រូវបានឮស្រែកយ៉ាងរន្ធត់ ។
អាជ្ញាធរក្នុងតំបន់បានកំពុងស្វែងរកសាកសពរបស់បុរសនេះ ប៉ុន្តែ សាកសពរបស់គាត់ពុំទាន់ត្រូវបានរកឃើញនៅឡើយទេ ។
មន្ត្រីប៉ូលីសម្នាក់បាននិយាយថា៖ «ហេតុការណ៍នេះបានកើតឡើងកាលពីថ្ងៃសៅរ៍ នៅវេលាម៉ោង ៣ ទៅ ៤ ល្ងាច ហើយបន្ទាប់ពីពេលនោះ យើងក៏បានស្វែងរកសាកសពរបស់ជនរងគ្រោះផងដែរ ។ កម្រិតទឹកជ្រៅខ្លាំងពេក ហេតុនេះ យើងខ្ញុំពុំទាន់អាចឈានទៅដល់កន្លែងសាកសពបានទេ» ។
ក្រោយហេតុការណ៍ដ៏រន្ធត់នេះកើតឡើង ប៉ូលីសបានរឹតបន្តឹងសន្តិសុខភាពនៅកន្លែងទឹកជ្រោះនោះ ដើម្បីរារាំងភ្ញៀវទេសចរចូលទៅក្បែរកន្លែងនោះទៀត ។
កាលពី ៥ ឆ្នាំ មុន មានមនុស្ស ១៩ នាក់ បានស្លាប់នៅជ្រោះ Gokak នេះ ដោយអ្នកខ្លះធ្វើអត្តឃាត និងខ្លះទៀតជួបគ្រោះ ៕ ឧត្តម