ភ្នំពេញ ៖ បុរសម្នាក់ដែលមានរបួស និងមានឈាម ដេកស្លាប់ ស្ថិតនៅក្រោមស្ពានស្ទឹងមានជ័យនោះ ត្រូវបានសមត្ថកិច្ចសន្និដ្ឋានថា ជាករណីឃាតកម្មវាយសម្លាប់ ឱ្យដេកស្លាប់ ក្នុងថ្លុកឈាម។ សពត្រូវបានគេប្រទះឃើញ នៅព្រឹកថ្ងៃទី១៩ មិថុនា នេះ ស្ថិតត្រង់ចំណុចក្រោមស្ពានអាកាសស្ទឹងមានជ័យ ក្នុងក្រុមទី២ ភូមិភ្នាត សង្កាត់ស្ទឹងមានជ័យ២ ខណ្ឌមានជ័យ ។
សមត្ថកិច្ចមូលដ្ឋាន បានបញ្ជាក់ថា ជនរងគ្រោះត្រូវបានស្គាល់ឈ្មោះទេព វង្ស អាយុ២៧ឆ្នាំ ជាកម្មករសំណង់មានទីលំនៅផ្ទះជួលភូមិព្រែកទាល់ សង្កាត់ស្ទឹងមានជ័យ២ ខណ្ឌមានជ័យ មានស្រុកកំណើតនៅភូមិលាដៃ ឃុំលាងដៃ ស្រុកអង្គរធំ ខេត្តសៀមរាប ។ ជនរងគ្រោះមានស្លាកស្នាមរបួសធ្ងន់ផ្នែកក្បាល រហូតបែកឈាមខ្ទាតប្រឡាក់ពេញជញ្ជាំងថ្ម៕ ដោយ៖បញ្ញាស័ក្តិ
