នៅថ្ងៃទី ១៨ ខែមិថុនា ម្សិលមិញនេះទូកមួយដែលដឹកមនុស្ស ៨០នាក់ បានក្រឡាប់នៅលើបឹង Toba ខេត្ត ស៊ូម៉ាត្រា ឥណ្ឌូណេស៊ី ។ មនុស្សម្នាក់ស្លាប់ សង្គ្រោះបានមនុស្ស ១៨ នាក់ ខណៈពេលមនុស្សរាប់សិបនាក់ទៀតបាត់ខ្លួន ។
តាម Reuters ឲ្យដឹងថា ទូកនេះ មានឈ្មោះ Sinar Bangun បានជួបគ្រោះថ្នាក់ព្រោះជួបអាកាសធាតុមិនអំណោយផលបង្កជារលកខ្លាំង ហើយបានវាយធ្វើឲ្យទូកនេះ ក្រឡាប់នៅវេលាម៉ោង ៥និង៣០នាទី ល្ងាច (ម៉ោងនៅតំបន់) ។
បច្ចុប្បន្នគេនៅពុំទាន់សន្និដ្ឋានបានពីសមាសភាពរបស់អ្នកដំណើរដែលបាត់ខ្លួនថា មានជនបរទេសដែរឬទេ ៕ សូយន