គេសង្កេតឃើញថា អ្នកម្ដាយរបស់ អ្នកនាង ចន ច័ន្ទលក្ខិណា ត្បិតតែមានវ័យចំណាស់ទៅហើយយ៉ាងណាក្ដី ក៏គាត់នៅតែកាន់កាប់មុខរបររកស៊ី យ៉ាងមាំទាំ ព្រមទាំងមានសម្រស់ស្អាតមិនចាញ់កូនៗឡើយ ហើយកាលពីថ្ងៃម្សិលមិញនេះ លោកស្រី ក៏បានរៀបចំពិធីឡើងវីឡាថ្មីសន្លាង មួយកន្លែង ជាក្ខណៈគ្រួសារប្រកបដោយភាពកក់ក្ដៅបំផុត ។
យ៉ាងណាមិញ បើក្រឡេកទៅមើលពីទិដ្ឋភាពខាងក្នុង ផ្ទះវីឡាដ៏ធំស្កឹមស្កៃមួយនេះវិញ មានភាពប្រណីត និងទាន់សម័យខ្លាំងមិនធម្មតានោះទេ ហើយចំពោះការរៀបចំវិញ គឺពោរពេញទៅដោយភាពស្រស់ស្អាត ឃើញហើយគួរឱ្យចង់រស់នៅតែម្តង ។
គួរបញ្ជាក់ថា អ្នកម្ដាយរបស់អ្នកនាង ចន ច័ន្ទលក្ខិណា តែងតែបង្ហាញភាពស្និទស្នាលជាមួយកូនៗរបស់ខ្លួន ក្នុងកម្មពិធីនានា ដែលសម្រស់របស់គាត់នៅតែស្អាត និងក្មេងជាងវ័យ ជានិច្ច ៕ សាវុធ
