ភ្នំពេញ ៖ ប្រមុខរារដ្ឋាភិបាល បានសម្រេចបញ្ចូលក្របខ័ណ្ឌ មន្ត្រីបុគ្គលិកអង្គភាពស៊ីម៉ាក់ទាំងអស់ ក្នុងក្របខ័ណ្ឌកងយោធពលខេមរភូមិន្ទជាផ្លូវការ ។ ការបញ្ចូលក្របខ័ណ្ឌ នៅពេលបញ្ចប់ភារកិច្ចក្នុងកិច្ចសន្យា និងអ្នកចូលវិវត្តន៍ ពលី ពិការ បាត់បង់លទ្ធភាពពលកម្ម។
លោក ហេង រតនា អគ្គនាយកមជ្ឈមណ្ឌលសកម្មភាពកម្ចាត់មីនកម្ពុជា (CMAC) នៅថ្ងៃទី១៩ ខែមិថុនា ២០១៨នេះ បានបញ្ជាក់ថា ” ខ្ញុំបាទតាងនាមមន្ត្រី-បុគ្គលិកអង្គភាពស៊ីម៉ាក់ទាំងអស់ សូមគោរពសម្តែងនូវការដឹងគុណ យ៉ាងជ្រាលជ្រៅបំផុតជូនចំពោះសម្តេចអគ្គមហាសេនាបតីតេជោ ប្រមុខរារដ្ឋាភិបាល ដែលបានសម្រេចបញ្ចូលក្របខ័ណ្ឌមន្ត្រីបុគ្គលិកអង្គភាពស៊ីម៉ាក់ទាំងអស់ ក្នុងក្របខ័ណ្ឌកងយោធពលខេមរភូមិន្ទជាផ្លូវការ។ បញ្ចូលក្របខ័ណ្ឌ នៅពេលបញ្ចប់ភារកិច្ចក្នុងកិច្ចសន្យា និងអ្នកចូលវិវត្តន៍ ពលី ពិការ បាត់បង់លទ្ធភាពពលកម្ម។ សូមគោរពអរគុណផងដែរ ចំពោះសម្តេចពិជ័យសេនា ដែលបានគោរពស្នើសុំការបញ្ចូលក្របខ័ណ្ឌនេះ ជូនសម្តេចតេជោ ទន្ទឹងនឹងនេះក៏សូមអរគុណគណៈកម្មការបញ្ចូលក្របខ័ណ្ឌ និងប្រគល់ឋានន្តរស័ក្តិនៃក្រសួងការពារជាតិដែលបានខិតខំយ៉ាងមមាញឹកលើការងារនេះ។ សុំបញ្ជាក់ថា អង្គភាពស៊ីម៉ាក់ជាស្ថាប័នជាតិ ត្រូវបានបង្កើតឡើងតាំងពីឆ្នាំ១៩៩២ តាមភារកិច្ចមានចែងក្នុងព្រះរាជក្រឹត្យ និងព្រះរាជក្រម។
ក្រោយទទួលបាននូវសេចក្តីសម្រេចរបស់សម្តេចតេជោនេះ គណៈកម្មការបញ្ចូលក្របខ័ណ្ឌនឹងខិតខំផ្តល់ជូនបងប្អូនជាវិវត្តន៍ជន បាត់បង់លទ្ធភាពពលកម្ម និងគ្រួសារពលី ឱ្យបានឆាប់បំផុត៕ ដោយ ៖ បញ្ញាស័ក្តិ
