តើជនភៀសខ្លួនទាំងអស់មកពីប្រទេសណាខ្លះ? បើតាមភ្នាក់ងារជនភៀសខ្លួនរបស់អង្គការសហ
ប្រជាជាតិ ជនភៀសខ្លួនចំនួន ២ភាគ ៣នៃចំនួនជនភៀសខ្លួនទាំងអស់ក្នុងពិភពលោក គឺមក
ពីប្រទេសចំនួន ៥ប៉ុណ្ណោះ។ ប្រទេសទាំង ៥នោះរួមមាន៖
១. ប្រទេសសុម៉ាលី
ប្រទេសនេះមានជនភៀសខ្លួនចំនួន ៩៨៦.៤០០។ សង្គ្រាមនៅក្នុងប្រទេសនេះបានអូសបន្លាយអស់
រយៈពេលជិត ៣០ឆ្នាំ។
កាលពីឆ្នាំ ២០១៧ ជនភៀសខ្លួនចំនួន ៤១.៥០០បានធ្វើមាតុភូមិវិវត្តន៍ត្រឡប់ទៅកាន់ប្រទេសវិញ
បន្ទាប់ពីរស់នៅនិរទេសអស់រយៈពេលជាច្រើនឆ្នាំ។
២. ប្រទេសមីយ៉ានម៉ា
មានជនភៀសខ្លួនចំនួន ១,២លាននាក់។ កាលពីឆ្នាំមុន ជនជាតិដើមភាគតិចរ៉ូហ៊ីយ៉ាចំនួន ៦៥៥.៥០០ បានរត់ភៀសខ្លួនទៅកាន់ប្រទេសបង់ក្លាដេស ដើម្បីគេចពីអំពើហឹង្សានៅក្នុងរដ្ឋរ៉ាឃីន។
៣. ស៊ូដង់ខាងត្បូង
មានជនភៀសខ្លួនចំនួន ២,៤លាននាក់។ កាលពីឆ្នាំ ២០១៧ ប្រទេសនេះមានការភៀសខ្លួនចេញ
ច្រើនបំផុត ដែលភាគច្រើនបានភៀសខ្លួនទៅកាន់ប្រទេសអូហ្គាន់ដា សូដង់ អេតូពី កេយ៉ា និងកុងហ្គូជាដើម។
៤. អាហ្វហ្គានីស្ថាន
មានជនភៀសខ្លួនចំនួន ២,៦លាននាក់។ ប្រទេសនេះត្រូវញាំញីដោយសង្គ្រាមរយៈពេលយូរជាង គេបំផុត ហើយជនភៀសខ្លួនចំនួន ៧២ភាគរយជាកុមារ។
៥. ប្រទេសស៊ីរី
មានជនភៀសខ្លួនច្រើនជាងគេបំផុតគឺ ៦,៣លាននាក់ ដោយសារប្រទេសនេះត្រូវញាំញីដោយសង្គ្រាម
ស៊ីវិលខ្លាំងបំផុត។ ចំនួនជនភៀសខ្លួនរបស់ប្រទេសនេះ ស្មើនឹង ១ភាគ៣ នៃចំនួនជនភៀសខ្លួន
ទាំងអស់ក្នុងពិភពលោក៕
សុភក្រ្ដិ