បើនិយាយពីផ្លែឈើណា អាចបញ្ចុះកម្តៅក្នុងខ្លួន គ្មានផ្លែឈើណាល្អជាងផ្លែឪឡឹកឡើយ។ ឪឡឹកផ្ទុកសារធាតុទឹកចំនួន ៩៥ភាគរយ ហើយសំរាប់នៅរដូវក្តៅ បើយើងហូបឪឡឹក វានឹងធ្វើឲ្យរាងកាយរបស់យើងត្រជាក់ផ្នែកខាងក្នុង។
ជាទូទៅនៅតំបន់អាស៊ីយើងនេះ ឪឡឹកមានទំហំធំ និងធ្ងន់ ហើយផ្លែឪឡឹកខ្លះធំខ្លាំងរហូដល់យើងហូប ២នាក់ក៏មិនអស់ដែរ ប៉ុន្តែអ្នកប្រហែលជាមិនដឹងគិតថា មានផ្លែឪឡឹកទំហំប៉ុនមេដៃបែបនេះឡើយ។
ឪឡឹកទំហំតូច មើលទៅគួរឲ្យស្រឡាញ់នេះ មានទំហំធំជាងផ្លែទំពាំងបាយជូរបន្តិច ហើយមើលទៅទាក់ភ្នែកមែនទែន។ វាគឺជាប្រភេទពូជឪឡឹកតឿ ដែលមានដើមកំណើតមកពីប្រទេសមិចស៊ិចកូ និងអាមេរិចកណ្តាល។ សំរាប់នៅប្រទេសមិចស៊ិចកូវិញ វាត្រូវបានគេហៅថាជាត្រសក់ជូរ ឬត្រសក់កណ្តុរ។
ឪឡឹកតឿនេះ វាមានភាពខុសប្លែកពីឪឡឹកនៅតំបន់ត្រូពិច ខុសគ្នាត្រងពណ៌ខាងក្នុង និងរស់ជាតិរបស់វា។ ផ្នែកខាងក្នុងរបស់វា មានពណ៌បៃតង់ និងមានរស់ជាតិដូចត្រសក់។
យើងក៏អាចហូបបានផ្លែទាំងមូល ទាំងសំបកផងដែរ។ ថ្មីត្បិតមានទំហំតូចជាឪឡឹកធម្មតាមែន ប៉ុន្តែឪឡឹកតឿនេះ មានសារធាតុ ចិញ្ជឹម ខ្ពស់ជាងឪឡឹកធម្មតា។
ក្រៅពីហូបធម្មតា វាក៏អាចត្រូវគេយកធ្វើជាជ្រក់ ញាំ និងដាក់ជាមួយស្រាក្រឡុកផងដែរ៕ សុភ័ក្ត្រ