កាសែត Daily Mail នៅថ្ងៃទី១៩ ខែមិថុនា បានរាយការណ៍ពីហេតុការណ៍ ជាមួយវីដេអូកត់ត្រាដ៏រន្ធត់ ដោយបង្ហាញឲ្យឃើញភ្ញៀវទេសចរជនជាតិឥណ្ឌា៣នាក់ ត្រូវបានវាយប្រហារដោយរលកដ៏ខ្លាំងក្លាមួយ និងធ្វើឲ្យម្នាក់ក្នុងចំណោមពួកគេទាំង៣ លង់ទឹក និងបាត់ខ្លួនក្នុងសមុទ្រគួរឲ្យអាសូរ ។
ភ្ញៀវទេសចរទាំង៣នាក់នេះ ត្រូវបានដឹងថា មកពី Tamil Nadu ប្រទេសឥណ្ឌា ។ ពួកគេបានមកលេងឆ្នេរសមុទ្រនេះ ដើម្បីថតរូបអនុស្សាវរីយ៍នៅលើផ្ទាំងថ្ម ប៉ុន្តែ ជាអកុសល ស្រាប់តែរលកស៊ូណាមិដ៏ខ្លាំងក្លាមួយបានកើតឡើង និងវាយប្រហារមកលើពួកគេយ៉ាងសាហាវ ។ ភ្លាមៗនោះ បុរសម្នាក់ ក្នុងចំណោមនោះ បានត្រូវរលកវាយពន្លិចចូលក្នុងសមុទ្របាត់ស្រមោលតែម្តង ។ ហើយប្រុសស្រី២នាក់ទៀត ដែលរួចផុតពីការវាយប្រហារ បានព្យាយាមចាកចេញពីរលកដ៏កំណាចនេះយ៉ាងត្រដាបត្រដួស ។
បុរសដែលបានបាត់ខ្លួននោះ ត្រូវបានដឹងថាមានឈ្មោះ Tanner Kumaran អាយុ ២៨ ឆ្នាំ ។ ហើយសាកសពរបស់គាត់ ត្រូវបានរកឃើញក្រោយមក ។
រូបភាពដ៏រន្ធត់ ត្រូវបានកត់ត្រាដោយមនុស្សទី៤ ស្ថិតនៅឆ្នេរសមុទ្រដាច់ស្រយាលមួយ ៕ ឧត្តម
