សំរាម រាប់ពាន់កុងតឺន័រដែលជ្រកក្រោមរូបភាពឆ្លងកាត់វៀតណាមទៅកាន់ប្រទេសចិន កំពុងជាប់គាំងតាមកំពង់ផែនៅប្រទេសវៀតណាម ។
គ្រាន់តែទិន្នន័យរបស់ក្រុមហ៊ុន Tan Cang Sai Gon បច្ចុប្បន្នមានកុងតឺន័រផ្ទុកដោយសំរាមចំនួន ៨.០០០ កំពុងគរពាសពេញនៅកំពង់ផែ ហើយមួយចំនួនធំក្នុងនោះបានផុតកាលបរិច្ឆេទ ៩០ ថ្ងៃហើយ នៅពុំទាន់មកបំពេញបែបបទឆ្លងកាត់នៅឡើយទេ ។ វាជាស្ថានភាពមួយដែលប្រទេសនេះកំពុងប្រកាសអាសន្ន។
សំរាម និងកាកសំណល់ឧស្សាហកម្មកំពុងសម្រុកចូលវៀតណាម ។
នេះជាជ្រុងមួយនៃបញ្ហាដែលកំពុងកើតឡើងជាទូទៅតាមបណ្តាកំពង់ផែនៅវៀតណាម ។ រីឯដំណោះស្រាយវាពុំមែនជាការងាយស្រួលឡើយ ។
ចំណែកប្រទេសចិនដែលជាប្រទេសត្រូវបានប្រកាសថា ទំនិញទាំងនោះនឹងទៅដល់កាលពីឆ្នាំទៅមិញម្លេះ ចិនបានប្រកាសប្រាប់អង្គការពាណិជ្ជកម្ម (WTO) ពីការដែលពួកគេផ្អាកនាំចូលសំរាម ២៤ប្រភេទពីបរទេស ។ ដោយឡែកសំរាមគ្រួសារគឺចិនហាមចូលទាំងស្រុង វៀតណាមវាអីចឹង ! ចុះស្រុកខ្មែរយើងយ៉ាងម៉េចដែរ? ។
សង្ឃឹមថាអគ្គនាយកដ្ឋានគយ ក៏ដូចជាស្ថាប័នពាក់ព័ន្ធប្រាកដជាមិនឲ្យមានបញ្ហាដូចគ្នានេះកើតឡើងឡើយ ។ ខាងក្រោមជាឃ្លីបមួយបង្ហាញឲ្យឃើញថា សំរាមកំពុងត្រូវបានបុកសម្រុកចូល ហើយ cen.com.kh សូមផ្ញើរូបភាពមួយចំនួនដើម្បីបញ្ជាក់ ៕ សូយន
