ភ្នំពេញ ៖ កម្លាំងជំនាញស៊ីម៉ាក់ បានជួបរណ្តៅលាក់គ្រាប់ ក្នុងសមយ័សង្គ្រាមយ៉ាងធំមួយ ស្ថិតនៅក្នុងភូមិកោះថ្កូវ ឃុំកោះថ្កូវ ស្រុកជលគិរី ខេត្តកំពង់ឆ្នាំង ដែលមានគ្រាប់យុទ្ធភណ្ឌ មិនទាន់ផ្ទុះរាប់រយគ្រាប់ ។
លោក ហេង រតនា អគ្គនាយកមជ្ឈមណ្ឌលសកម្មភាពកម្ចាត់មីនកម្ពុជា (ស៊ីម៉ាក់CMAC) នៅយប់ថ្ងៃទី២០ ខែមិថុនា ឆ្នាំ២០១៨នេះ ឲ្យដឹងតាមរយៈផេកហ្វេសប៊ុកផ្លូវការថា “នៅថ្ងៃទី១៩-២០ ខែមិថុនា ២០១៨ នៅភូមិកោះថ្កូវ ឃុំកោះថ្កូវ ស្រុកជល់គីរី ខេត្តកំពង់ឆ្នាំង កម្លាំងជំនាញស៊ីម៉ាក់បាន ជួបរណ្តៅលាក់គ្រាប់ក្នុងសមយ័សង្គ្រាម។ រឿងសង្គ្រាម គឺថាដើម្បី និងដើម្បីគឺថា រកគ្រប់មធ្យោបាយ ដើម្បីត្រៀមសម្លាប់គ្នា។ ការកប់លាក់ទុកបែបនេះ ជាចរិកសង្គ្រាមឈ្លប សង្គ្រាមទ័ពព្រៃ។ គិតថាកម្លាំងចូលបឹងទន្លេសាប ស្មានតែសំបូរត្រី ដឹងស្អីសំបូរគ្រាប់ដែរ”៕ ដោយ ៖ បញ្ញាស័ក្តិ