ប៉ូលីសថៃ កាលពីពេលថ្មីៗនេះ បានចាប់ខ្លួនបុរសជនជាតិអូស្ត្រាលីម្នាក់ ពីបទផ្សព្វផ្សាយដំណើរកំសាន្តសិចតាមទូក ជាមួយស្រីពេស្យា នៅលើទំព័រហ្វេសប៊ុកមួយ ។
ប៉ូលីសថៃបាននិយាយកាលពីថ្ងៃអង្គារថា បុរសអូស្ត្រាលីឈ្មោះ Stephen Allan Carpenter អាយុ ៤៩ ឆ្នាំ ត្រូវបានចាប់ខ្លួនកាលពីយប់ មុនពេលគាត់ចូលក្នុងទឹកដីភាគខាងត្បូងខេត្ត Saraburi ។
បុរសរូបនេះត្រូវបាននាំខ្លួនទៅកាន់ទីក្រុងរមណីយដ្ឋានឆ្នេរសមុទ្រ Pattaya ទីកន្លែងដែលគាត់បានបើកដំណើរការអាជីវកម្មមិនសមរម្យមួយនេះ បន្ទាប់ពីដីកាចាប់ខ្លួនត្រូវបានធ្វើឡើង ។
ប៉ូលីសនិយាយថា អាជីវកម្មរបស់ Carpenter មានឈ្មោះថា «AUSTHAI Tours» ត្រូវបានផ្សព្វផ្សាយនៅលើអនឡាញ តាមរយៈដំណើរតាមទូករយៈពេល ៦ ម៉ោង ជាមួយស្ត្រីជនជាតិថៃជាច្រើននាក់ ក្នុងតម្លៃចាប់ពី ១,១៨៧ ទៅ ១,៥២៦ ដុល្លារ ។
ប៉ូលីសបានស្វែងរកការចាប់ខ្លួនគាត់ បន្ទាប់ពីម្នាក់បានផុសនៅលើបណ្តាញសង្គម ក្នុងនាមជាអតិថិជនម្នាក់ ហើយបានធ្វើការបង់ប្រាក់ជាមុន ។
Carpenter ត្រូវបានចោទប្រកាន់ពីបទទិញស្ត្រីៗធ្វើស្រីពេស្យា, ផ្សព្វផ្សាយរូបភាពអាសអាភាសនៅលើអនឡាញ, ស្នាក់ហួសទិដ្ឋាការកំណត់ និងធ្វើការងារខុសច្បាប់ ក្នុងនាមជាអ្នកមគ្គុទ្ទេសក៍ទេសចរណ៍ ៕ ឧត្តម