ប្រធានាធិបតីហ្វីលីពីន Rodrgo Duterte បានពិចារណាផ្តល់កាំភ្លើងដោយឥតគិតថ្លៃ ទៅដល់មេភូមិៗចំនួន ៤២,០០០ នាក់ ដោយលោកចាត់ទុកថា វាជាជំនួយដ៏ល្អប្រសើរមួយ សម្រាប់ពួកគេប្រយុទ្ធប្រឆាំងនឹងពួកគ្រឿងញៀន និងបទល្មើសផ្សេងៗនៅក្នុងទឹកដីរបស់ពួកគេ ។
លោក Duterte ដែលប្តេជ្ញាបញ្ចប់បញ្ហាគ្រឿងញៀន និងបញ្ហាបទល្មើស ក្នុងរយៈពេលត្រឹមតែ ៣ ទៅ ៦ ខែ បានឈានចូលជាឆ្នាំទី២ហើយ នៃការគ្រប់គ្រងរបស់លោក នៅចុងខែមិថុនានេះ ។
តាមកំណត់ត្រារបស់រដ្ឋភិបាលប្រទេសនេះ នោះសង្គ្រាមគ្រឿងញៀនរបស់លោក Duterte បានធ្វើឲ្យជនល្មើសស្លាប់ពី ៣,៩៦៧ ទៅ ២០,៣២២ នាក់ នៅក្នុងខែវិច្ឆិកា ឆ្នាំ២០១៧ ។
យោងតាម CNN លោក Duterte បានប្រាប់មេដឹកនាំសហគមន៍ កាលពីសប្តាហ៍មុននេះថា៖ «ប្រសិនអ្នកទាំងអស់គ្នាមិនចូលទៅក្នុងបទល្មើសគ្រឿងញៀន ខ្ញុំនឹងគាំទ្រយ៉ាងខ្លាំង ហើយខ្ញុំនឹងផ្តល់កម្មសិទ្ធិមួយនេះដល់អ្នកទាំងអស់គ្នា ហើយយកអាវុធនេះអនុវត្តឲ្យបានល្អប្រសើរ» ។
លោក Martin Dino អនុរដ្ឋលេខាធិការក្រសួងមហាផ្ទៃទទួលបន្ទុក «barangay» កាំភ្លើងទាំងអស់នឹងត្រូវផ្តល់ដោយឥតគិតខ្លី ឬ អ្នកការទិញឯកជនរបស់ពួកគេឧបត្ថម្ភ ទៅឲ្យមេភូមិៗទាំងអស់នោះ ដែលមិនស្ថិតក្នុងចំណោមអ្នកដែលពាក់ព័ន្ធក្នុងគ្រឿងញៀនខុសច្បាប់ ៕ ឧត្តម