ថ្មីៗនេះ គេសង្កេតឃើញថា លោក អ៊ឹម ជីវ៉ា ហាក់ដូចជាកំពុងជួបទុក្ខ ដែលមិនអាចនិយាយចេញ ខណៈដែលលោកក៏បានបង្ហោះពាក្យពេជន៍ប្លែក ហាក់បង្ហាញពីភាពអស់សង្ឃឹមក្នុងជីវិត ។
នៅក្នុងសារទាំងនោះ ហាក់ដូចជាបង្ហាញឱ្យដឹងថា លោក អ៊ឹម ជីវ៉ា កំពុងជួបជំងឺធ្ងន់ និងកាចសាហាវ ដែលស្ដាប់ទៅគួរឱ្យអាណិតលោកខ្លាំងណាស់ ហើយក្នុងចំណោមសំនេរទាំងនោះ គេក៏ចាប់អារម្មណ៍សំនេរមួយដែលមានន័យទាំងស្រុងដូចខាងក្រោម ៖
«ខ្ញុំពិតជាគ្មានអាម្មណ៍នៅក្នុងខ្លួនទេពេលនេះ ខ្ញុំពិតជាសូមអរគុណបងប្អូនមិត្តភក្តិទាំងអស់ដែលបានបារម្ភដល់ខ្ញុំ បើសិនជាថ្ងៃខាងមុខ ខ្ញុំគ្មានឡាន ម៉ូតូជិះ គ្មានផ្ទះនៅ នោះមិនមែន ខ្ញុំយកលុយលេងល្បែង យកលុយដើសុីផឹក ឬចាញ់បោក ឬរកសុីខាតឡើយ កុំស្អប់ខ្ពើមខ្ញុំ រាប់អានខ្ញុំផង។ សុំទោសដែលខ្ញុំមិនអាចបកស្រាយបាន ហើយក៏ខ្ញុំមិនអាចបញ្ចេញបញ្ហារបស់ខ្ញុំអោយទៅអ្នកណាម្នាក់ដឹងដើម្បីរំខានពួកគាត់នោះទេ ខ្ញុំនិងគ្រួសារខំ ប្រឹងអោយអស់ពីលទ្ធភាព ដើម្បីអោយឆ្លងកាត់ជំងឺដ៏កាចសាហាវមួយនេះ » ។
លោកបន្តថា « ជីវិតខ្ញុំធ្លាប់តែសួរសុខទុក្ខគេតាមមន្ទីរពេទ្យតែពេលនេះវាធ្លាក់មកដល់ខ្ញុំនិងគ្រួសារម្តងហើយ តែមិនអីទេ ខ្ញុំត្រូវតែស៊ូរហូតដល់លទ្ធផលដង្ហើមចុង ក្រោយ។ ខ្ញុំពិតជាមានអារម្មណ៍ខ្មាស់ខ្លួនឯងណាស់ ដែលខ្ញុំមិនហ៊ានប្រាប់បងប្អូន ព្រោះមិនចង់អោយអ្នកណាដៀលខ្ញុំទេ សូមអរគុណបងប្អូនមិត្តភក្តិ ទាំងអស់គ្នាដែលលើកទឹកចិត្តបារម្ភដល់ខ្ញុំ ដោយក្តីគោរពស្រលាញ់អំពីខ្ញុំបាទៈ អុឹម ជីវ៉ា» ៕ សាវុធ