ក្រុមអ្នកអភិរក្សសត្វទើបបង្ហោះផ្សាយខ្សែវីដេអូបង្ហាញឲ្យឃើញនូវទិដ្ឋភាពគួរឲ្យព្រឺព្រួចនៅខាងក្នុងកន្លែងផលិតសាច់ឆ្កែមួយនៅប្រទេសចិន ចំពេលដែលពួកគេកំពុងប្រញាប់ប្រញាល់ត្រៀមទុកវត្ថុធាតុដើម បម្រើឲ្យពិធីបុណ្យសាច់ឆ្កែ Yulin ឆ្នាំនេះ ។
ពួកឆ្កែនៅក្នុងកន្លែង”ប្រហាជីវិត” ទាំងនេះត្រូវបានគេញាត់ទុកក្នុងទ្រុងតូចៗ ចង្អៀត កខ្វក់ ហើយលើកម្រាលឥដ្ឋនៅប្រឡាក់ឈាមរបស់គ្នាវា ។
នៅទីនេះ ក្នុង១ថ្ងៃៗសត្វឆ្កែប្រមាណ ៥០ក្បាល បានត្រូវសម្លាប់ ដើម្បីត្រៀមទុក សម្រាប់បម្រើដល់ពិធីបុណ្យសាច់ឆ្កែ Yulin ដែលនឹងប្រព្រឹត្តទៅនៅថ្ងៃនេះ ។ វាជាព្រឹត្តិការណ៍មួយត្រូវបានរៀបចំឡើងរៀងរាល់ឆ្នាំនាទីក្រុង Yulin ចំណុះតំបន់ស្វយ័តក្វាងស៊ី ប្រទេសចិន ។
តាមបណ្ឌិត Peter Li ឲ្យដឹងថា ពួកឆ្កែដែលនៅក្នុងទ្រុងរងចាំប្រហារជីវិតទាំងនេះ វាពិតជារងភាពតក់ស្លុត បាក់កម្លាំង និងឆ្លងជំងឺច្រើនបែបច្រើនយ៉ាង ។ លើសពីការស្លាប់ទៅទៀតព្រោះពួកវាមុនត្រូវសម្លាប់គឺបានសម្លឹងឃើញនូវទិដ្ឋភាពដែលគេសម្លាប់ ដុតឆ្អើរ… ។ល។ គ្នាវាដ៏គួរឲ្យខ្លាច។
បណ្ឌិតរូបនេះឲ្យដឹងថា តាមការប៉ាន់ស្មានមានឆ្កែនៅទ្វីបអាស៊ីប្រមាណ ៣០លានក្បាល ត្រូវគេសម្លាប់យកសាច់ ក្នុងនោះដោយឡែកប្រទេសចិន បានសម្លាប់ចន្លោះពី ១០-២០ លានក្បាល ៕ សូយន