តាកែវ ៖ ដោយមើលឃើញពីទុក្ខលំបាករបស់របស់អាណាព្យាបាលសិស្ស លោកគ្រូអ្នកគ្រូនិងសិស្សានុសិស្សសាលាបឋមសិក្សាខ្សឹង ដែលស្ថិតនៅក្នុងសង្កាត់រកា ក្នុងក្រុងដូនកែវ មានសភាពចាស់ទ្រុឌទ្រោមនិងសាលាលិចទឹកថែមទៀតដែលបង្កការលំបាកដល់សិស្សានុសិស្សសិក្សារៀនសូត្រ ប្រមុខរាជរដ្ឋាភិបាលកម្ពុជាសម្ដេចតេជោ ហ៊ុន សែន និងសម្ដេចកិត្តិព្រិទ្ធិបណ្ឌិត ប៊ុន រ៉ានី ហ៊ុន សែន បានសម្រេចផ្ដល់អាគារសិក្សាជូនដល់សាលាបឋមសិក្សាខ្សឹង នៅអាគារសិក្សា១ខ្នងកំពស់២ជាន់ចំនួន១២បន្ទប់និងអាគារទីចាត់ការមួយខ្នងចំនួន៣បន្ទប់ថែមទៀត។
លោក អ៊ូច ភា អភិបាលខេត្តតាកែវ នៅរសៀលថ្ងៃ ពុធ ថ្ងៃទី ២០ ខែ មិថុនា ឆ្នាំ ២០១៨នេះ បានអញ្ជើញទៅប្រកាសប្រាប់ដល់អាណាព្យាបាលសិស្ស លោកគ្រូអ្នកគ្រូ សិស្សានុសិស្សពីអំណោយដ៏ថ្លៃថ្លារបស់ប្រមុខរាជរដ្ឋាភិបាលកម្ពុជា សម្ដេចតេជោ ហ៊ុន សែន និងសម្ដេចកិត្តិព្រឹទ្ធបណ្ឌិត ដែលបានសម្រេចជួយសាងសង់អាគារសិក្សាដល់សាលាបឋមសិក្សាខ្សឹង។
ថ្លែងនៅចំពោះមុខបងប្អូនប្រជាពលរដ្ឋដែលជាអាណាព្យាបាលសិស្ស លោកគ្រូអ្នកគ្រូ សិស្សានុសិស្ស ដែលបានចូលរួមនៅក្នុងពិធីនោះ លោក អ៊ូច ភា អភិបាលខេត្តតាកែវបានថ្លែងថា សម្ដេចតេជោ លោកតែងតែគិតពីសុខទុក្ខបងប្អូនប្រជាពលរដ្ឋ លោកគ្រូអ្នកគ្រូនិងក្នួយៗសិស្សានុសិស្សគ្រាប់ពេលវេលា។ជាក់ស្ដែងដូចជាថ្ងៃនេះ នៅពេលដែលសម្ដេចតេជោ លោកបានមកជួបសួរសុខទុក្ខបងប្អូនកម្មករនៅក្នុងខេត្តតាកែវ ហើយដោយទទួលដំណឹងថាក្មួយសិស្សានុសិស្សសាលាបឋមសិក្សាខ្សឹងកំពុងតែជួបនូវការលំបាកដោយសាលារៀនលិចទឹកនិងអាគារសាលារៀនមានសភាពទ្រុឌទ្រោម សម្ដេចតេជោ លោកក៏បានសម្រេចផ្ដល់អាគារសិក្សា១ខ្នងកំពស់២ជាន់មាន១២បន្ទប់និងអាគារទីចាត់ការ១ខ្នងមាន៣បន្ទប់ភ្លាមៗតែម្ដង។
លោកអភិបាលខេត្តតាកែវបានមានប្រសាសន៏បន្ថែមថា អាគារសិក្សានិងទីចាត់ការនេះនិងត្រូវសាងសង់ឆាប់ៗខាងមុខនេះ ដែលវានិងបង្កលក្ខណៈងាយស្រួលដល់ក្មួយៗសិក្សារៀនសូត្រហើយលោកគ្រូអ្នកគ្រូក៏មានកន្លែងធ្វើការសមរម្យផងដែរ។ នេះជាការយកចឹត្តទុកដាក់របស់សម្ដេចតេជោ ហ៊ុន សែន ពោលមានសម្ដេចតេជោ មានសុខសន្តិភាព មានការអភិវឌ្ឍន៏លើគ្រប់វិស័យ ជាពិសេសសម្ដេចតេជោតែងតែគិតគូជានិច្ចចំពោះសុខទុក្ខបងប្អូនប្រជាពលរដ្ឋ។ ដូច្នោះដើម្បីឲ្យសម្ដេចតេជោបន្តនៅដឹកនាំប្រទេសអោយមានសុខសន្តិភាព មានការអភិវឌ្ឍន៏តទៅទៀត សូមបងប្អូនប្រជាពលរដ្ឋបោះឆ្នោតគាំទ្រសម្ដេចតេជោ តាមរយៈបោះឆ្នោតជូនគណបក្សប្រជាជនកម្ពុជាមានរូបសញ្ញាទេវតាបាចផ្កា និងមានលេខរៀងទី២០ ។
គួបញ្ចាក់ថា ក្រៅពីជួយសាងសង់អាគារសិក្សា១ខ្នងកំពស់២ជាន់១២បន្ទប់និងអាគារទីចាត់ការ១ខ្នង៣បន្ទប់ ដល់សាលាបឋមសិក្សាខ្សឹង សម្ដេចតេជោនិងសម្ដេចកិត្តិព្រឹទ្ធបណ្ឌិត ក៏បានជួយចាក់ផ្លូវបេតុងចូលសាលា ជួយធ្វើរបងសាលា ក្លោងទា្វ ដងទង់ជាតិ និងបានជួយឧបត្ថមជាថវិការដល់លោកគ្រូអ្នកគ្រូចំនួន១៧នាក់ដោយម្នាក់ទទួលបានថវិការ១០ម៉ឺនរៀល និងសិស្សានុសិស្សសាលាបឋមសិក្សាខ្សឹងចំនួន២៥៥នាក់ក្នុងម្នាក់ៗទទួលបានថវិការចំនួន១ម៉ឺនរៀល៕ តាកែវ
